Hosea 4:1-19
4 Udeni ondjovo yaJehova, akutu, oshiwana shaIsrael,Osheshi Jehova oku na oihokolola novakalimo vomoshilongo,+Osheshi kape na oshili nohole i na oudiinini, ile eshiivo li na sha naKalunga moshilongo.+
2 Okwaana kwoipupulu nokupopya oipupulu+ nomadipao+Nokuvaka noluhaelo+ oi li apeshe,Nokutilashi ohonde okwa shikula okutilashi ohonde kukwao.+
3 Nomolwaasho edu tali lili,+Nomukalimo keshe womulo ota xulu po;Noifitukuti yomoixwa needila dokeulu,Nokuli neeshi domefuta, itai kala po vali.
4 “Ashike hamunhu a kondjifa, ile a pukulula mukwao,+Osheshi ovanhu voye ova fa ovo tava kondjifa omupristeri.+
5 Onghee otamu ka punduka moshanga shomutenya,Nomuprofeti ota ka punduka pamwe nanye ngaashi oufiku.
Nohandi ka mweneka* nyoko.
6 Oshiwana shange otashi ka mwenekwa,* osheshi kape na eshiivo.
Molwaashi owe liteeka po eshiivo,+Naame ohandi ke ku liteeka po, uha longe u li omupristeri wange;Ndele molwaashi owa dimbwa omhango* yaKalunga koye,+Ame mwene ohandi ka dimbwa ovanamati voye.
7 Eshi ngoo tava ende tava hapupala, osho ngoo tava nyono unene kwaame.+
Ohandi ka lundululila efimano lavo mohoni.*
8 Ohave lipalula nomatimba oshiwana shangeNove na olwisho li na sha* nenyono lavo.
9 Ovanhu nomupristeri otava ka ningilwa sha faafana;Ohandi ke va hokololifa omolweendjila davo,Nohandi ke va etela oilanduliko omolweenghatu davo.+
10 Otava ka lya, ashike itava kuta.+
Otava ka ninga oikumbu,* ashike itava ka hapupala,+Molwaashi ova ulika kutya inava fimaneka Jehova.
11 Oumbwada* nomaviinyu nosho yo omaviinyu mapeOhai kufa po ehalo lokulonga osho sha yuka.*+
12 Ovanhu vange ohava pula ekwafo koikalunga yavo yoiti,Tava longo osho onhaili* yavo tai va lombwele;Molwaashi omhepo youmbwada* otai va ningifa va yapuke mo,Nomolwoumbwada* wavo, ova anya okuliyandja kuKalunga kavo.
13 Ohava yambele koxulo yeemhunda,+Nohava ningile omatwiminoyambo koikulundudu,Koshi yomiti dinene noyomiti do-storax noyomuti keshe wa kula,+Molwaashi omudile wado omuwa,
Nomolwaashi ovanakadona voye tava kufa ombinga moumbwada,*Noitenyakadona yoye tai haelwa.
14 Itandi ka hokololifa ovanakadona voye omolwoumbwada* wavo,Noitenyakadona yoye omolwokuhaelwa kwayo,
Osheshi ovalumenhu ohava i neembwada,Nohava yambe pamwe neembwada domotembeli;Ovanhu va tya ngaho, vehe na eudeko,+ otava ka xulifwa po.
15 Nonande oto kufa ombinga moumbwada,* akutu, Israel,+Juda ina kala netimba.+
Ino uya kuGilgal,+ ile kuBet-aven+Noino ana to ti, ‘Oshili, ofimbo Jehova e na omwenyo!’+
16 Osheshi ngaashi ongobe yodidi i na ekuni, Israel oku na ekuni.+
Mbela Jehova paife ne va life ngaashi odjona yondume onyasha moulifilo?*
17 Efraim okwa waimina oikalunga.+
Mu efeni!
18 Ngeenge obiila* yavo oya pu mo,Otava ka ninga oikumbu.*
Novapangeli* vaye ove hole neenghono elihumbato litondifa.+
19 Omhepo otai ke mu tonyena* momavava ayo,Notava ka kala va fya ohoni omayambo avo.”
Omashangelo opedu
^ Ile “hanauna po.”
^ Ile “hanaunwa po.”
^ Ile “ehongo.”
^ Ile tashi dulika, “Ova pingakanifa efimano lange mwene nohoni.”
^ Ile “Nohava yelulile omwenyo wavo.” Tala Omafatululo oitya, “Omwenyo.”
^ Ile “ka kala va duka moluhaelo; kufa ombinga moumbwada.”
^ Eln., “kufa po omutima.”
^ Ile “Oluhaelo; Oukumbu.”
^ Ile “odibo yomunyanekeli.”
^ Ile “yoluhaelo; youkumbu.”
^ Ile “Nomolwokuhaelwa; Nomolwoukumbu.”
^ Ile “moluhaelo; moukumbu.”
^ Ile “omolwoluhaelo; omolwoukumbu.”
^ Ile “moluhaelo; moukumbu.”
^ Eln., “monhele ya andjuka?”
^ Ile “obiila yoilya yo-wheat.”
^ Ile “ka kala va duka moluhaelo; kufa ombinga moumbwada.”
^ Eln., “Noikelelifo.”
^ Ile “ke mu kombelelashi.”
