Hosea 1:1-11
1 Ondjovo yaJehova oyo ye uya kuHosea,* omonamati waBeeri, pomafiku aUssia,+ Jotam,+ Ahas+ naHiskia,+ eehamba daJuda,+ nopefimbo laJerobeam,+ omonamati waJoas,+ ohamba yaIsrael.
2 Eshi Jehova a hovela okupopya ondjovo yaye okupitila muHosea, Jehova okwa lombwela Hosea a ti: “Inda, hombola omukainhu ombwada* nokukala u na ounona nombwada,* osheshi oshilongo osha efa po filufilu okushikula Jehova omolwoumbwada.”*+
3 Onghee okwa ya, ndele ta hombola Gomer, omonakadona waDiblaim, nokwa ninga oufimba, ndele te mu dalele omonamati.
4 Opo nee Jehova okwa tya kuye: “Mu luka Jisreel,* osheshi moule wokafimbo, ohandi ka hokololifa eumbo laJehu+ omolwokutilashi ohonde kwaJisreel, nohandi ka xulifa po epangelo louhamba leumbo laIsrael.+
5 Mefiku olo, ohandi ka teyaulila outa waIsrael mEfilu laJisreel.”
6 Okwa ninga vali oufimba, ndele ta dala okaana kokakadona. Na Kalunga okwa lombwela Hosea a ti: “Ka luka Lo-ruhama,* osheshi ame itandi ka fila vali onghenda+ eumbo laIsrael, molwaashi ohandi ke va taataelashi filufilu.+
7 Ashike ohandi ka fila onghenda eumbo laJuda,+ nohandi ke va xupifa okupitila muJehova, Kalunga kavo;+ itandi ke va xupifa okupitila mouta, ile okupitila meongamukonda, ile okupitila moita, ile okupitila meenghambe, ile okupitila movalondinghambe.”+
8 Eshi a tovifa Lo-ruhama, okwa ninga oufimba, nokwa dala okaana okamati.
9 Opo nee Kalunga okwa tya: “Ka luka Lo-ammi,* molwaashi nye kamu fi oshiwana shange, noitandi ka kala ndeni.
10 “Nomuvalu wovanhu* vomuIsrael otau ka kala ngaashi ehekedu lopefuta, olo itali dulu okuyelekwa, ile okuvalulwa.+ Nokonhele oko va li va lombwelelwa kutya, ‘Nye kamu fi ovanhu vange,’+ otava ka lombwelwa kutya, ‘Ovana vaKalunga omunamwenyo.’+
11 Novanhu vomuJuda novomuIsrael otava ka ongelwa pamwe va hangane,+ notamu ka hoololwa umwe a ninge omutwe, nokudja mo moshilongo, osheshi efiku laJisreel otali ka kala linene.+
Omashangelo opedu
^ Exupipiko ledina Hosaia, olo tali ti “A xupifwa kuJah; Jah okwa xupifa.”
^ Ile “omuhaelwa; oshikumbu.”
^ Ile “nomuhaelwa; noshikumbu.”
^ Ile “omolwoluhaelo; omolwoukumbu.”
^ Tali ti “Kalunga ota ka kuna ombuto.”
^ Tali ti “Ina filwa onghenda.”
^ Tali ti “Kamu fi oshiwana shange.”
^ Eln., “wovanamati.”
