Hosea 14:1-9
14 “Akutu, Israel, alukila kuJehova, Kalunga koye,+Osheshi owa punduka omolwenyono loye.
2 Alukileni kuJehova neendjovo edi,Tyeni kuye, ‘Alikana dima po enyono letu,+ ndele to tambula ko osho shiwa,Nohatu ke ku yambela eyambo lomilungu detu+ ngaashi hatu yambe eendumetana.*
3 Assiria ite ke tu xupifa.+
Itatu ka londa keenghambe,+Noitatu ka tya vali koilonga yomake etu, “O! Kalunga ketu,”Osheshi omolwoye, okaana oko kehe na xe taka filwa onghenda.’+
4 Ohandi ka velula okuhenoudiinini kwavo.+
Ohandi ka kala ndi va hole tashi di kehalo lange mwene,+Molwaashi ehandu lange ola dja po puye.+
5 Ohandi ka kala ngaashi omume kuIsrael;Ota ka temuna ngaashi ongala,Nohandi ka twamifa omidi daye ngaashi omiti domuLibanon.
6 Oitai yaye otai ka tandavela,Ewapalo laye otali ka kala ngaashi olo lolumono,Nedimba laye ongaashi olo laLibanon.
7 Otava ka kala vali momudile waye.
Otava ka longa oilya, notai ka twiyuka ngaashi omundjebele.+
Efimano* laye otali ka kala ngaashi omaviinyu omuLibanon.
8 Efraim ota ka tya, ‘Oihongwafano ohandi i longifa vali shike?’+
Ohandi ka nyamukula, nohandi ke mu pashukila.+
Ohandi ka kala ngaashi omudjenipa hau ima nawa.
Oiimati yoye otai ka dja kwaame.”
9 Olyelye omunaendunge? Na ude ko oinima ei.
Olyelye omunamayele? Ne i shiive.
Osheshi eendjila daJehova oda yuka,+Novayuki otava ka enda mudo;Ashike ovanyoni otava ka pundukila mo.
