Hosea 12:1-14
12 “Efraim ote lipalula nomhepo.
Oha taataa omhepo yokoushilo efiku alishe.
Oha hapupalifa oipupulu nelongifo leenghono.
Ova ninga ehangano naAssiria,+ nova twala omaadi kuEgipiti.+
2 Jehova oku na oshikoya naJuda;+Ota ka hokololifa Jakob she likolelela keendjila daye,Note ke mu pa ondjabi she likolelela koilonga yaye.+
3 Eshi a li moshidalelo, okwa kwata mumwaina koshififinwa,+Nokwa kondjifa Kalunga ta longifa eenghono daye.+
4 Okwa kala ta kondjo nomweengeli, nokwa findana.
Okwa lila, nokwa pula e mu file onghenda.”+
Okwe mu hanga kuBetel, naako oko a popila nafye,+
5 Jehova oKalunga komatangakwaita,+Jehova olo edina ledimbulukifo laye.*+
6 “Onghee alukila kuKalunga koye,+Kala u na ohole i na oudiinini nouyuki,+Nokukala we lineekela alushe muKalunga koye.
7 Ndele meke lomulandifi* omu na oiyelekifo yoipupulu;Oku hole okukengelela.+
8 Efraim ota twikile okutya, ‘Oshoshili, onda punapala;+Onda mona emona.+
Nomoilonga yange aishe itava mono mo sha sha puka, ile oulunde.’
9 Ashike aame Jehova, Kalunga koye, okudja medu laEgipiti.+
Ohandi ke ku ninga vali u kale ho di momatwali,Ngaashi sha li pomafiku eufwafimbo.*
10 Onda popya novaprofeti,+Onda hapupalifa omamoniko avo,Nonda popya omafaneko okupitila movaprofeti.
11 MuGilead omo mwa kala oukengeleledi*+ nosho yo oipupulu.
Ova yambela eengobe deemhedi muGilgal,+Neealtari davo odi li ngaashi eenduba domamanya di li moinenga, mepya.+
12 Jakob okwa ya onhapo koshitukulwa* shaAram;*+Israel+ okwa longela oko a mone omukulukadi,+Nomolwomukulukadi, okwa kala ta file oshisho eedi.+
13 Jehova okwa kufa Israel muEgipiti okupitila momuprofeti,+Nokwa li a wilikwa okupitila momuprofeti.+
14 Efraim okwa etifa ehandu linene;+Etimba laye lohonde otali kala kuye;Omwene waye ote ke mu handukila omolwodino yaye.”+
