Hosea 11:1-12
11 “Eshi Israel a li okamati, onda li ndi mu hole,+Nomona wange onde mu ifana mo muEgipiti.+
2 Eshi ngoo tave* va ifana,Osho ngoo tava ehene kokule navo.+
Ova twikila okuyambela oihongwafano yaBaal,+Nokuyambela oihongwafano omayambo.+
3 Ashike aame nda honga Efraim okweenda,+ nde va humbata momaoko ange;+Ndele inava dimina kutya onde va velula.
4 Onda kala handi va nane neengodi dovanhu,* neemwiya dohole;+Nonda li kuvo ngaashi oo ta kufa ko ondjoko keehamama davo,Nonda etela keshe umwe oikulya, nde shi ninga nonghenda.
5 Itava ka shuna kedu laEgipiti, ashike Assiria ota ka kala ohamba yavo,+Molwaashi ova anya okwaalukila kwaame.+
6 Neongamukonda otali ka xwemena oilando yaye,+Notali ka hanauna po oiidilifo yaye noku va xwaka po omolweemhangela davo.+
7 Ovanhu vange ihave linyongamene nge moshili.+
Nonande ove va ifane va fikame,* kape na oo ha fikama.
8 Akutu, Efraim, ongahelipi handi dulu oku ku efa po?+
Akutu, Israel, ongahelipi handi dulu oku ku yandja po?
Ongahelipi handi dulu okuungaunga naave ngaashi Adma?
Onghahelipi handi dulu oku ku ninga ngaashi Seboim?+
Onde lialuluka momutima;Nopefimbo opo tuu opo, olukeno lange ola tukuluka.*+
9 Itandi ka holola ehandu lange.
Itandi ka hanauna po vali Efraim,+Osheshi aame Kalunga, ndele nghi fi omunhu,Omuyapuki, oo e li mokati keni;Noitandi ke uya kunye nda fula onya.
10 Otava ka shikula Jehova, nota ka kumba ngaashi onghoshi;+Ngeenge ta kumbu, ovanamati vaye otave uya tava kakama, tava di kouninginino.+
11 Otava kakama ngaashi odila, eshi tava di muEgipiti,Ngaashi onghuti, eshi tava di muAssiria;+Nohandi ke va tula momaumbo avo,” Jehova osho ta ti.+
12 “Efraim okwa dingilila nge noipupulu,Neumbo laIsrael onoukengeleledi.+
Ashike Juda natango ota ende naKalunga,Noku li omudiinini kOmuyapuki elela.”+
