Amos 9:1-15
9 Onda mona Jehova+ e li kombada yoaltari, nokwa tya: “Denga omutwe wongudi, noivelo otai ka kakama. Teta ko omitwe dado, nohandi ka dipaa ooluxupe neongamukonda. Kape na oo ta faduka po ta mono oupitilo, nokape na oo ta kendabala okuya onhapo ta ka pondola.+
2 Ngeenge ova fe va hondame mOmbila,*Eke lange otali ke va kufa mo;Nongeenge ova i keulu,*Ohandi ke va alula ko oko.
3 Nongeenge ova ka hondama koxulo yaKarmel,Ohandi ke va konga ko oko, noku va kufa ko.+
Nongeenge ova hondama omesho ange koshi yefuta,Ohandi ka lombwela eyoka li va lile oko.
4 Ngeenge ova i moukwatwa moipafi yovatondi vavo,Ohandi ka lombwela eongamukonda oko, notali ke va dipaa;+Omesho ange otae ke va talela mowii, ndele hamouwa.+
5 Osheshi Omwene Omunamapangelo aeshe, Jehova womatangakwaita, oye ta kumu edu,Opo li hengumuke,+ novakalimo vamo aveshe otava ka lila;+Naalishe otali ka yeluka ngaashi omulonga waNil,Nokuningina ngaashi omulonga waNil womuEgipiti.+
6 ‘Oo a tunga eetalapa daye meulu,*Nokwa dika po omutungilo waye* kombada yedu;Oo ha ifana omeva efutaE a tile kombada yedu,+Edina laye oJehova.’+
7 ‘Mbela kamu li ngaashi ovanamati vaKus kwaame, nye ovanhu vaIsrael?’ Jehova osho ta ti.
‘Mbela inandi kufa mo Ovaisrael medu laEgipiti,+Ovafilisti muKreta+ nosho yo Siria muKir?’+
8 ‘Tala! Omesho Omwene Omunamapangelo aeshe, Jehova, otaa tale ouhamba ulunde,Note ke u hanauna ko kombada yedu.+
Ashike itandi ka hanauna po filufilu eumbo laJakob,’+ Jehova osho ta ti.
9 ‘Osheshi tala! Ohandi yandje oshipango,Nohandi ka kakamifila eumbo laIsrael mokati koiwana aishe,+Ngaashi umwe ta fifi noshifififo,Nokape na okamanya taka ka wila pedu.
10 Otava ka fya keongamukonda, ovalunde aveshe vomovanhu vange,Ovo tava ti, “Oudjuu itau uya popepi nafye, ile u tu hange.”’
11 ‘Mefiku olo, ohandi ka fikamifa etwali* laDavid,+ olo la wa po,Ohandi ka fitika omifya,*Nohandi ka dika oiteyaukile yalo;Ohandi ke li dika, ngaashi la li pomafimbo onalenale,+
12 Opo va dule okukwata ko osho sha xupa muEdom,+Noiwana aishe omo mwa ifanwa edina lange,’ Jehova osho ta ti, ou te shi ningi.
13 ‘Tala! Omafiku otae uya,’ Jehova osho ta ti,‘Eshi omupululi ta ka pitilila omuteyi,Nosho yo omukoli womandjebele, oo a humbata ombuto;+Neemhunda otadi ka ndoda omaviinyu manyenye,+Notaa ka kunguluka* koikulundudu aishe.+
14 Ohandi ka alula ovanhu vange, Israel, ovo ve li eenghwate,+Otava ka tungulula oilando, oyo ya li ya mbuwalekwa, nokukala mo;+Otava ka twika omindjebele, notava ka nwa omaviinyu ado,+Notava ka ninga oikunino nokulya oiimati yayo.’+
15 ‘Ohandi ke va twika medu lavo,Nokape na vali efiku tava ka dudwa moMedu lavo, olo nde va pa,’+ Jehova, Kalunga koye, osho ta ti.”
