Amos 2:1-16
2 “Eshi osho Jehova ta ti,‘“Shaashi Moab okwa tukula ounashibofa* lutatu+ nosho yo lune, itandi ka ninguluka,Molwaashi okwa xwika po omakipa ohamba yaEdom a ninga omute.
2 Onghee ohandi ka tuma omundilo muMoab,Notau ka lungwinifa po eeshungongulu da pama daKeriot;+Moab ota ka fila mokati keuyaano,Neingido lomoita, newi lenghuma.+
3 Ohandi ka kufa mo omupangeli* mokati kasho,Nokudipaa omalenga asho aeshe pamwe naye,”+ Jehova osho ta ti.’
4 Eshi osho Jehova ta ti,‘Shaashi Juda okwa tukula ounashibofa lutatu+ nosho yo lune, itandi ka ninguluka,Molwaashi ova anya omhango* yaJehova,Naashi inava diinina omaufomhango aye;+Ashike oipupulu ya faafana naayo ooxekulululwa vavo va shikula oye va twalaatwala.+
5 Onghee ohandi ka tumina omundilo muJuda,Notau ka lungwinifa po eeshungongulu da pama daJerusalem.’+
6 Eshi osho Jehova ta ti,‘Shaashi Israel okwa tukula ounashibofa lutatu+ nosho yo lune, itandi ka ninguluka,Molwaashi ohava landifa po omuyuki koshisilveriNosho yo ohepele kepando leenghaku.+
7 Ohava lyataulile omitwe dovadinwa mondwi yedu,+Nohava fitike ondjila yovalidiiniki.*+
Omulumenhu naxe ohava nangala nokakadona kamwe,Tava nyateke edina lange liyapuki.
8 Ohava yale oikutu, oyo va nyeka i li eshilipaleko lokushunifilwa omukuli,*+ popepi noaltari keshe;+Nomaviinyu, oo hava nwine meumbo* lookalunga kavo, okwa dja kwaavo va futifwa.’
9 ‘Ashike ame, aame nda hanauna po Ovaamori moipafi yavo,+Ovo va li vale ngaashi omisederi, novanaenghono ngaashi omiti da kula;*Onda hanauna po oshiimati shaye pombada nosho yo omidi daye medu.+
10 Onde mu kufa medu laEgipiti,+Nonde mu ningifa mu ende mombuwa oule womido 40,+Mu ka nangale edu lOvaamori.
11 Onda nangeka po ovanamati veni vamwe ve li ovaprofeti+Nosho yo ovalumenhu ovanyasha vamwe veni ve li Ovanasiri.+
Mbela hasho, nye ovanhu vaIsrael?’ Jehova osho ta ti.
12 ‘Ashike omwa twikila okupa Ovanasiri omaviinyu va nwe,+Nomwa lombwela ovaprofeti tamu ti: “Inamu xunganeka.”+
13 Onghee hano ohandi ke mu nyanyaulila monhele yeni,Ngaashi ashike etemba li yadi oilya tali nyanyaula osho shi li koshi yalo.
14 Ou e na onhapo ita ka kala e na onhele, oko ta i onhapo,+Omunaenghono ita ka kaleka po eenghono daye,Nokape na omukwaita ta ka faduka po, a xupife omwenyo waye.
15 Omuumbi wouta ita ka kalela olwoodi,*Ou e na onhapo ita ka ya onhapo,Nomulondi wonghambe ita ka faduka po, a xupife omwenyo waye.
16 Nokuli naao omuladi filufilu* mokati kovakwaitaOta ka ya onhapo hamunghele mefiku olo,’+ Jehova osho ta ti.”
