Amos 1:1-15
1 Eendjovo daAmos,* oo a li umwe womovafita veedi vokuTekoa,+ odo a li a pewa memoniko li na sha naIsrael pefimbo lohamba Ussia+ yaJuda nosho yo pefimbo laJerobeam,+ omonamati waJoas,+ ohamba yaIsrael, omido mbali ofimbo ekakamo ledu inali uya.+
2 Okwa ti:
“Jehova ota ka kumba okudja muSion,Nota ka yelula ondaka yaye okudja muJerusalem.
Omaulifilo ovafita otaa ka nyika oluhodi,Noxulo yaKarmel otai ka kukuta.”+
3 “Eshi osho Jehova ta ti,‘“Shaashi Damaskus okwa tukula ounashibofa* lutatu nosho yo lune, itandi ka ninguluka,Molwaashi ova xwa Gilead noilei* yoshivela shilalula.+
4 Onghee ohandi ka tumina eumbo laHasael+ omundilo,Notau ka lungwinifa po eeshungongulu da pama daBenhadad.+
5 Ohandi ka teya po oiidilifo yomuDamaskus;+Ohandi ka hanauna po ovakalimo vomuBikat-avenNosho yo oo ta pangele* muBet-eden;Novanhu vomuSiria otava ka ya kuKir ve li eenghwate,”+ Jehova osho ta ti.’
6 Eshi osho Jehova ta ti,‘“Shaashi Gasa+ okwa tukula ounashibofa lutatu nosho yo lune, itandi ka ninguluka,Molwaashi ova kufa ongudu aishe yeenghwate+ ve i yandje momake aEdom.
7 Onghee ohandi ka tumina omundilo momakuma aGasa,+Notau ka lungwinifa po eeshungongulu daye da pama.
8 Ohandi ka hanauna po ovakalimo vomuAsdod,+Nosho yo oo ta pangele* muAskelon;+Ohandi ka yelula eke lange li li omhinge naEkron,+NOvafilisti, ovo va xupa po, otava ka xula po,”+ Omwene Omunamapangelo aeshe, Jehova, osho ta ti.’
9 Eshi osho Jehova ta ti,‘Shaashi Tirus okwa tukula ounashibofa lutatu+ nosho yo lune, itandi ka ninguluka,Molwaashi ova yandja ongudu aishe yeenghwate kuEdom,Naashi inava dimbuluka ehangano lovamwaxe.+
10 Onghee ohandi ka tumina omundilo momakuma aTirus,Notau ka lungwinifa po eeshungongulu daye da pama.’+
11 Eshi osho Jehova ta ti,‘Shaashi Edom okwa tukula ounashibofa lutatu+ nosho yo lune, itandi ka ninguluka,Molwaashi okwa taataa omumwainamati neongamukonda,+Naashi a anya okufila onghenda;Omolwehandu laye okwa twikila oku va pombaula po nopehe na olufuwo,Nokwa twikila okukala e va fulila onya.+
12 Onghee ohandi ka tumina omundilo muTeman,+Notau ka lungwinifa po eeshungongulu da pama daBosra.’+
13 Eshi osho Jehova ta ti,‘“Shaashi Ovaammoni ova tukula ounashibofa lutatu+ nosho yo lune, itandi ka ninguluka,Molwaashi ova taula momadimo ovakainhu ovafimba vomuGilead, opo va tamunune mo oshitukulwa shavo vene.+
14 Onghee ohandi ka tomeka omundilo omakuma aRabba,+Notau ka lungwinifa po eeshungongulu daye da pama,Neingido lomokule mefiku lolwoodi,Nefudaela mefiku loshikungulu shomhepo.
15 Nohamba yavo otai ka ya moukwatwa pamwe nomalenga ayo,”*+ Jehova osho ta ti.’
