Amos 5:1-27
5 “Udeni ondjovo ei handi popi i li omhinge nanye onga eimbilokemo,* nye eumbo laIsrael:
2 ‘Okakadona elela, Israel, oka wila po;Itaka dulu vali okufikama po.
Oka efelwa pedu lako;Kape na ou te ka yambula po.’
3 “Osheshi eshi osho Omwene Omunamapangelo aeshe, Jehova, ta ti:
‘Oshilando osho tashi di mo neyovi, otashi xupu po nefele;Naasho tashi di mo nefele otashi xupu po nomulongo, eshi osho tashi ka ningilwa eumbo laIsrael.’+
4 “Osheshi eshi osho Jehova ta ti keumbo laIsrael:
‘Kongeni nge notamu ka twikila okukala nomwenyo.+
5 Inamu konga Betel,+Inamu ya kuGilgal,+ ile mu pitilile mu ye kuBer-seba,+Osheshi Gilgal ota ka ya shili moukwatwa,+Na Betel ita ka kala po vali.*
6 Kongeni Jehova, nokutwikila okukala nomwenyo,+Opo aha ndwafukile eumbo laJosef ngaashi omundilo,Ta lungwinifa po Betel nopehe na oo te mu dimi.
7 Ohamu lundululile omatokolo a yuka moshimbodi shilula,*Nohamu umbile ouyuki kombada yedu.+
8 Oo a ninga eengudu deenyofi da-Kimah* nosho yo eengudu deenyofi da-Kesil,*+Oo ha lundululile omudidimbe mulaula mongula,Oo ha ningi efiku lilaule ngaashi oufiku,+Oo ha ifana omeva efutaE a tile kombada yedu,+Edina laye oJehova.
9 Ota ka ningifa ehanauno li ndwafukile omunaenghono,Tashi etifa ehanauno keenhele da pama.
10 Ove tonde ovo have va pukulula poshivelo shoshilando,Nove tonde ovo hava popi oshili.+
11 Molwaashi ohamu fininike ohepele i fute oifendela yepya*Nohamu kufa ko oilya yayo i li eemhale,*+Itamu ka twikila okukala hamu di momaumbo, oo mwa tunga nomamanya a hongwa,+Ile mu nwe omaviinyu omoikunino yomandjebele eni iwa elela, oyo mwa kuna.+
12 Osheshi ondi shi shii kutya omwa tukula ounashibofa* lungapi,Nanghee omanyono eni a kwata moiti,Ohamu piyaaneke omuyuki,Ohamu tambula ombubo,Noihamu tokola pauyuki ohepele poshivelo shoshilando.+
13 Onghee hano ovo ve na eendunge otava ka kala va mwena pefimbo olo,Osheshi otali ka kala efimbo loudjuu.+
14 Kongeni osho shiwa, ndele hashoosho shii,+Opo mu twikile okukala nomwenyo.+
Opo nee Jehova, Kalunga komatangakwaita, ota ka kala pamwe nanye,Ngaashi ashike hamu popi kutya oku li nanye.+
15 Tondeni osho shii, nokuhola osho shiwa,+Ouyuki nau wanifwe poshivelo shoshilando.+
Otashi dulika Jehova, Kalunga komatangakwaita,Ta ka fila onghenda ooluxupe vaJosef.’+
16 “Onghee hano eshi osho Jehova, Kalunga komatangakwaita, Jehova, ta ti:
‘Otamu ka kala elilaano momahalandjadja aeshe,Nomomapandavanda aeshe otava ka tya, “Akutu, akutu!”
Otava ka ifana ovanamapya va lileNosho yo ovalilanghali, ovo va kutwa va lilaane.’
17 ‘Moshikunino shomandjebele keshe otamu ka kala elilaano;+Osheshi ohandi ka pita mokati keni,’ Jehova osho ta ti.
18 ‘Woo ovo va halelela efiku laJehova!+
Ndele mbela efiku laJehova otali ka kala la tya ngahelipi kunye?+
Otali ka kala omilaulu, ndele hauyelele.+
19 Otali ka kala la fa omulumenhu, oo ta faduka po onghoshi, ndele ta shakeneke emwangha,Naashi a ya meumbo laye, nokuyaamena neke laye kekuma, okwa lika keyoka.
20 Mbela efiku laJehova itali ka kala omilaulu, ndele hauyelele?Mbela itali ka kala li na omudimbi, ndele hauyelele wa twa?
21 Ondi tonde, onda nyanyala oivilo yeni,+Noinandi hokwa edimba loyoongalele yeni iyapuki.
22 Nokuli nonande omu yambele nge omaxwikiloyambo aeshe nosho yo eeshaliyambo,Itandi ke a hokwa;+Noitandi ka tala nohokwe omayambo eni oukumwe oinamwenyo ya ondoka.+
23 Xulifeni po okuninga omaweelelo nomaimbilo eni;Noinandi uda eengovela doishikomwa yeni yeengodi.+
24 Ouyuki nau kunguluke pedu ngaashi omeva,+Nouyuki ngaashi omakungulukilo, oo haa kunguluka alushe.
25 Mbela omwa etela nge omayambo makwao nosho yo eeshaliyamboOule womido odo 40 mombuwa, nye eumbo laIsrael?+
26 Paife, otamu ka humbata po ohamba yeni, Sakkut, nosho yo Kevan,*Oihongwafano yeni, onyofi yakalunga keni, oo mwe liningila nye vene,
27 Nohandi ke mu tuma moukwatwa kokule naDamaskus,’+ oo a popya edina laye oJehova, Kalunga komatangakwaita.”+
Omashangelo opedu
^ Ile “eimbilo loluhodi.”
^ Ile tashi dulika, “ota ka ninga oshinima shihalwifi.”
^ Ile “moululu.”
^ Tashi dulika Ongudu yeenyofi heyali.
^ Tashi dulika Omukongo.
^ Ile “eefuto odo hadi pewa eehamba.”
^ Ile “oifendela yedu.”
^ Ile “oukolokoshi.”
^ Oikalunga oyo ivali otashi dulika tai ulike kopulaneta Saturn, oyo ya li hai longelwa i li kalunga.
