Amos 4:1-13
4 “Udeni ondjovo ei, nye eengobe deenghadi domuBasan,Nye ovo mu li komhunda yaSamaria,+Nye ovakainhu, ovo hamu kengelele omudinwa+ nokunyanyaula ohepele,Ovo tava lombwele ovashamane* vavo tava ti: ‘Tu eteleni sha shokunwa!’
2 Omwene Omunamapangelo aeshe, Jehova, okwa ana mouyapuki waye ta ti:‘“Tala! Omafiku otae ke mu hanga, eshi te ke mu yambula po neengona dokulekifa ombelela,Noshixupe shomunye oneendjolo.
3 Otamu ka dja mo tamu pitile meembululu dekuma, keshe umwe a yukilila;Notamu ka umbilwa kuHarmon,” Jehova osho ta ti.’
4 ‘Ileni kuBetel, ndele tamu nyono,*+NokuGilgal, ndele tamu nyono nokuli unene!+
Eteni omayambo+ eni ongula,Noitimulongo*+ yeni mefiku etitatu.
5 Xwikeni epanduloyambo lomungome wa ya efulika;+Nokushiivifa mokule omayambo eni ehalo liwa!
Osheshi eshi osho mu hole okuninga, nye ovanhu vaIsrael,’ Omwene Omunamapangelo aeshe, Jehova, osho ta ti.
6 ‘Ndele kombinga yange, onda lumbula omayoo eni oikulya* moilando yeni aishe,Nonda etifa po omhumbwe yomungome momaumbo eni aeshe;+Ashike inamu alukila kwaame,’+ Jehova osho ta ti.
7 ‘Onda kelela yo odula ihe mu loke oule weemwedi nhatu, fimbo eteyo inali fika;+Onde i lokifila moshilando shimwe, ndele hamoshilando shikwao.
Epya limwe otali ka lokwa,Ashike epya likwao, olo inali lokwa, ola li la kukuta.
8 Ovanhu vomoilando ivali, ile itatu ova pungaukila koshilando shimwe, va nwe omeva,+Noinava kumwa;Ashike inamu alukila kwaame,’+ Jehova osho ta ti.
9 ‘Onde mu denga noupyu wa hanya nosho yo nomukifi woimeno.+
Omwa hapupalifa oikunino yeni nosho yo oikunino yomandjebele,Ashike oshipaxu osha lya po omikwiyu deni nosho yo omiti deemono;+Ndele natango inamu alukila kwaame,’+ Jehova osho ta ti.
10 ‘Onda tumina mokati keni oudu wolutapo ngaashi oo waEgipiti.+
Onda dipaa ovalumenhu veni ovanyasha neongamukonda,+ nokukwata ko eenghambe deni.+
Onda ningifa edimba lii lomeekamba deni li nyike momayulu eni;+Ashike inamu alukila kwaame,’ Jehova osho ta ti.
11 ‘Onda etifa ehanauno mokati keni,Ngaashi eshi Kalunga a hanauna po Sodom naGomorra.+
Ndele nye omwa li ngaashi oshikuni sha vakulwa momundilo;Ashike inamu alukila kwaame,’+ Jehova osho ta ti.
12 Onghee osho osho handi ke ku ningila, ove Israel.
Molwaashi eshi osho handi ke ku ningila,Lilongekida u shakeneke Kalunga koye, ove Israel.
13 Osheshi tala! oye a shita eemhunda+ nokwa shita omhepo;+Oha lombwele omunhu omadiladilo aYe,Oha lundululile eluwa la tenda momulaulu,+Noha lyataula eenhele dokoikulundudu yedu;+Jehova, Kalunga komatangakwaita, olo edina laye.”
