Amos 3:1-15
3 “Udeni ondjovo oyo Jehova a popya shi na sha nanye, nye ovanhu vaIsrael, shi na sha nepata alishe olo nda kufa medu laEgipiti:
2 ‘Momapata aeshe okombada yedu,+ onye amuke nda kala ndi shii.
Nomolwaashi handi ke mu pa oushima omolwomanyono eni aeshe.+
3 Mbela vavali otava dulu ngoo okweenda pamwe, ngeenge inava udafana va shakene?*
4 Mbela onghoshi otai ka kumba mofuka, ngeenge kape na oshihakanwa?
Mbela onghoshi yonyasha* otai ka ona okudja mondabo yayo, ngeenge inai kwata sha?
5 Mbela okadila otaka ka ya momwiyo, oo u li pedu, ngeenge kape na osho tashi ka nane?*
Mbela omwiyo otau dulu okumwashuka okudja pedu, ngeenge inau kwata sha?
6 Ngeenge enghuma la shikwa moshilando, mbela ovanhu ihava kakama?
Ngeenge oudjuu owa holoka moshilando, mbela Jehova haye a katuka onghatu?
7 Osheshi Omwene Omunamapangelo aeshe, Jehova, ita ka ninga sha,Okuninga a hololela ovapiya vaye ovaprofeti oshiholekwa.+
8 Onghoshi oya kumba,+ olyelye ita kala a tila?
Omwene Omunamapangelo aeshe, Jehova, okwa popya! Olyelye ita ka xunganeka?’+
9 ‘Shi shiivifeni keeshungongulu da pama daAsdodNosho yo keeshungongulu da pama medu laEgipiti.
Tyeni: “Ongaleni mu li omhinge neemhunda daSamaria;+Taleni omapiyaano oo e li mokati kayeNosho yo oukengeleledi oo u li muye.+
10 Osheshi kave shii okulonga osho sha yuka,” Jehova osho ta ti,“Ovo tave lituvikilile elongifo leenghono nosho yo ehanauno meeshungongulu davo da pama.”’
11 Onghee eshi osho Omwene Omunamapangelo aeshe, Jehova, ta ti,‘Omutondi ota ka dingilila edu loye,+Ote ke ku kufa eenghono doye,Nota ka nyeka ko eeshungongulu doye da pama.’+
12 Eshi osho Jehova ta ti,‘Ngaashi ashike omufita ha nyeke mo omaulu avali, ile okapambu kokutwi mokanya konghoshi,Osho osho ovanhu vaIsrael tava ka nyekwa ko ngaho,Ovo ve li omutumba muSamaria keembete da denga mbada nosho yo koipundi iwa elela.’*+
13 ‘Udeni nokulondwela* eumbo laJakob,’ Omwene Omunamapangelo aeshe, Jehova, Kalunga komatangakwaita, osho ta ti.
14 ‘Osheshi mefiku olo handi ka ifana Israel e lihokolole omolwounashibofa* waye aushe,+Omo yo handi ka katuka ndi li omhinge neealtari daBetel;+Omaluvinga oaltari otaa ka tetwa ko, notaa ka wila kombada yedu.+
15 Ohandi ka hanauna po eumbo lopokufu pamwe neumbo lopokwenye.’
‘Omaumbo, oo a tungwa momayoo eendjaba, otaa ka hanauka po,+Nosho yo omaumbo makula* otaa ka xula po,’+ Jehova osho ta ti.”
