Amos 8:1-14
8 Eshi osho Omwene Omunamapangelo aeshe, Jehova, a ulikila nge: Tala! Opa li oshimbale shoiimati yopokwenye.
2 Opo nee okwa tya, “Amos, ou wete shike?” Onda nyamukula nda ti, “Oshimbale shoiimati yopokwenye.” Opo nee Jehova okwa tya kwaame: “Exulilo lovanhu vange, Israel, ole uya. Itandi ke va dimina po vali.+
3 ‘Mefiku olo, omaimbilo omotembeli otaa ka lundulukila melilaano,’+ Omwene Omunamapangelo aeshe, Jehova, osho ta ti. ‘Otapa ka kala oimhu ihapu ya ekelwa keshe pamwe;+ napa kale pa mwena!’
4 Udeni oshinima eshi, nye ovo hamu lyataula eehepele,Naavo hamu xulifa po ovalidiiniki* vomedu,+
5 Nye ovo hamu ti, ‘Oshivilo shomwedi mupe otashi xulu naini,+ opo tu landife oilya yetu,NEshabata,+ opo tu landife oilya?
Opo tu ninipike oshiyelekifo shoefa,*Nokunenepeka ondjudo yosekeli,*Opo tu nyokome hatu longifa oiyelekifo yoipupulu;+
6 Opo tu lande noshisilveri ovo ve li momhumbwe,Nohepele kepando leenghaku,+Nokulandifa po oshitukulwa shoilya, oyo ihe na ongushu.’
7 Jehova okwa ana omolwetumba laJakob,+‘Itandi ka dimbwa nandenande oilonga yavo aishe.+
8 Omolwoshinima osho edu otali ka kakama,Novakalimo vomulo aveshe otava ka lila.+
Mbela itali ka yeluka alishe ngaashi omulonga waNil,Nokulitumba nosho yo okuningina ngaashi omulonga waNil womuEgipiti?’+
9 ‘Mefiku olo,’ Omwene Omunamapangelo aeshe, Jehova, osho ta ti,‘Ohandi ka ninginifa etango moshanga shomutenya,Nohandi ka laulika edu efimbo lomutenya.+
10 Ohandi ka lundululila oivilo yeni moluhodi+Nosho yo omaimbilo eni aeshe momaimbilokemo.*
Eenho adishe ohandi ke di dika eeshako, nokuninga omutwe keshe ongwala;Ohandi ke li ninga li kale ngaashi okulilwa kwomonamati aeke,Nexulilo lalo li kale la fa efiku lilula.’
11 ‘Tala! Omafiku otae uya,’ Omwene Omunamapangelo aeshe, Jehova, osho ta ti,‘Eshi handi ka tumina ondjala medu,Kai fi ondjala yomungome, ile enota lomeva,Ndele oyokuuda eendjovo daJehova.+
12 Otava ka pungauka okudja kefuta fiyo okefuta,Nosho yo okudja kolundume fiyo okoushilo.*
Otava ka endaenda tava kongo ondjovo yaJehova, ashike itave ke i mona.
13 Mefiku olo, oukadona elela vawa otava ka ngabuka,Novalumenhu yo ovanyasha omolwenota;
14 Ovo hava ane omolwetimba laSamaria+ naavo hava ti,“Oshili, ofimbo kalunga koye e na omwenyo, ove Dan!”+
Nosho yo, “Oshili, ofimbo pe na ondjila ya yuka kuBer-seba!”+
Otava ka wila po, noitava ka fikama po vali.’”+
Omashangelo opedu
^ Ile “ovalininipiki.”
^ Tala Oshiw. B14.
^ Tala Oshiw. B14.
^ Ile “momaimbilo oluhodi.”
^ Ile “okoko haku piti etango.”
