PELAJARAN 01
Manfaaté Alkitab kanggo Njenengan
Wong-wong padha péngin ngerti piyé uripé sukmbèn, ngapa kok saiki akèh wong susah, lan piyé mengko nèk mati. Ana sing kuwatir piyé carané nyukupi kebutuhan keluarga lan piyé bèn keluargané bahagia. Akèh wong isa éntuk keterangan saka Alkitab soal uripé manungsa. Wong-wong kuwi ya wis ngrasakké dhéwé manfaaté Alkitab kanggo ngatasi masalahé. Apa njenengan ya setuju nèk Alkitab ana manfaaté kanggo kabèh wong?
1. Keterangan apa waé sing ana ing Alkitab?
Ing Alkitab ana keterangan soal: Piyé asal usulé manungsa? Ngapa kok manungsa diciptakké? Ngapa kok akèh wong sing susah? Piyé mengko nèk mati? Ngapa kok ana perang? Apa bumi bakal dihancurké? Njenengan isa nggolèki keterangan soal kuwi ing Alkitab merga akèh sing wis éntuk keterangan soal kuwi.
2. Ana saran apa waé ing Alkitab?
Ana saran-saran sing apik ing Alkitab, misalé piyé bèn keluarga bahagia, piyé bèn ora strès, lan piyé bèn seneng wektu nyambut gawé. Nèk ngrembug buku iki, njenengan isa ngerti keterangan soal kuwi lan keterangan liyané saka Alkitab. Njenengan isa yakin nèk ’kabèh sing ditulis ing Kitab Suci ana gunané’.—2 Timotius 3:16.
Buku iki dudu gantiné Alkitab, tapi liwat buku iki njenengan isa ngerti isiné Alkitab. Dadi, wacanen dhéwé ayat-ayaté, terus cocogna karo apa sing lagi dipelajari.
SINAU LUWIH AKÈH
Ana sing wis ngrasakké dhéwé manfaaté sinau Alkitab. Njenengan ya isa ngerti carané bèn seneng maca Alkitab lan ngerti alesané ngapa kok kudu ana sing mbantu sinau Alkitab.
3. Ing Alkitab ana tuntunan sing apik
Alkitab kuwi kaya lampu. Awaké dhéwé kudu maca Alkitab bèn isa nggawé keputusan sing bener lan bèn ngerti apa sing bakal kelakon sukmbèn.
Wacanen Mazmur 119:105, terus rembugen pertanyaan-pertanyaan iki:
-
Penulis Mazmur nganggep Alkitab kuwi kaya apa?
-
Nèk menurut njenengan dhéwé piyé?
4. Ing Alkitab ana jawaban pertanyaané awaké dhéwé
Ana wong wédok sing akhiré ora penasaran lan ora bingung manèh merga sinau Alkitab. Setèlen VIDÉONÉ, terus rembugen pertanyaan-pertanyaan iki:
-
Ing vidéo kuwi, wong wédok mau bingung soal apa?
-
Apa manfaaté sinau Alkitab kanggo dhèwèké?
Menurut Alkitab, awaké dhéwé kudu seneng takon. Wacanen Matius 7:7, terus rembugen pertanyaan iki:
-
Njenengan péngin ngerti soal apa sing jawabané mungkin ana ing Alkitab?
5. Njenengan isa seneng maca Alkitab
Akèh sing wis maca Alkitab lan ngrasakké dhéwé manfaaté. Setèlen VIDÉONÉ, terus rembugen pertanyaan-pertanyaan iki:
-
Ing vidéo kuwi, apa cah-cah mau seneng maca? Lha ngapa?
-
Ngapa cah-cah kuwi seneng maca Alkitab?
Ing Alkitab ana tuntunan, penghiburan, lan harapan. Wacanen Roma 15:4, terus rembugen pertanyaan iki:
-
Apa njenengan péngin ngerti luwih akèh soal penghiburan lan harapan sing ana ing Alkitab?
6. Bèn isa ngerti isiné Alkitab, kudu ana sing mbantu
Sakliyané maca Alkitab dhéwé, luwih apik nèk kuwi dirembug karo wong liya. Wacanen Kisah 8:26-31, terus rembugen pertanyaan iki:
-
Piyé bèn isa ngerti isiné Alkitab?—Deloken ayat 30 karo 31.
Pejabat Étiopia butuh dibantu bèn ngerti isiné Kitab Suci. Akèh wong saiki ya butuh dibantu bèn ngerti isiné Alkitab
NÈK ANA SING NGOMONG: ”Ngapa kok ndadak sinau Alkitab?”
-
Njenengan njawab apa? Lha ngapa?
KESIMPULAN
Nèk maca Alkitab, awaké dhéwé isa bahagia, nduwé harapan, éntuk saran-saran, lan ngerti keterangan soal uripé manungsa.
Jawaben
-
Ing Alkitab ana saran apa waé?
-
Pertanyaan apa waé sing jawabané mungkin ana ing Alkitab?
-
Wektu sinau Alkitab, njenengan péngin ngerti soal apa?
BAHAN TAMBAHAN
Apa saran-saran ing Alkitab isih ana gunané nganti saiki?
”Wulangané Alkitab Ora Ketinggalan Jaman” (Warta Penting No. 1 2018)
Deloken pengalamané wong sing mauné ngrasa ora berharga, tapi akhiré isa ngatasi masalahé merga sinau Alkitab.
Apa waé saran-saran ing Alkitab bèn keluarga isa bahagia?
Deloken vidéo sing njelaské soal sapa sing sakjané nguwasani donya.
Topik sing Ana Hubungané
PITAKONAN UMUM
Sinau Alkitab karo Seksi-Seksi Yéhuwah Kuwi Kaya Apa?
Pas sinau Alkitab karo Seksi-Seksi Yéhuwah, njenengan isa nganggo Alkitabé njenengan dhéwé. Njenengan ya isa ngejak keluarga utawa kanca.
