Jerimaya 46:1-28
46 Onana họ ẹme nọ Jihova ọ ta kẹ Jerimaya ọruẹaro na kpahe erẹwho na:+
2 Enẹ ọ ta kpahe Ijipti,+ kpahe ogbaẹmo Fẹro Niko+ ovie Ijipti, ọnọ ọ jọ akotọ Ethẹ Yufretis nọ Nebukadneza* ovie Babilọn o fi kparobọ evaọ Kakẹmish evaọ ukpe avọ ene Jehoyakim+ ọmọzae Josaya, ovie Juda:
3 “Wha ruẹrẹ ejese esese* gbe ejese ilogbo rai họ,Re wha ruọ eva ẹmo na.
4 Wha ruẹrẹ enyenya na họ re wha ruọ ehru rai, whai edhẹ-enyenya.
Wha dikihẹ oria rai re wha fi itu-egaga rai họ.
Wha thọ izuẹ na fihọ dada re wha fi iwu-ẹmo rai họ.
5 ‘Fikieme ozọ u ro kpe ai no wọhọ epanọ mẹ be ruẹ na?
A be dhẹ zihe, a kpe egbaẹmo rai no.
A dhẹ no fiki ozọ, yọ egbaẹmo rai i kuomarẹriẹ hẹ.
Ozọ ogaga o rrọ oria kpobi,’ ere Jihova ọ ta.
6 ‘Enọ i re siawọ gaga na e be sae dhẹ hẹ, yọ egbaẹmo na e be sae dhẹ vabọ họ.
A zoruẹ je kie no+Evaọ obọ ẹkpẹlobọ ovatha-ọre, evaọ akotọ Ethẹ Yufretis.’
7 Kinọ ono ọ be wọ ze wọhọ Ethẹ Naele na,Wọhọ ethẹ nọ ame riẹ o bi fi ẹkporo?
8 Ijipti ọ wọ ze wọhọ Ethẹ Naele,+Wọhọ ithẹ nọ ame rai o bi fi ẹkporo,Yọ ọ be ta nọ, ‘Mẹ te wọ ze, me ve ku otọakpọ na soso.
Mẹ te raha okpẹwho na gbe ahwo nọ a be rriae.’
9 Wha dhẹ nya, whai enyenya!
Wha dhẹ wọhọ ọruẹ, whai ekẹkẹ!
Jọ egbaẹmo na e wọ nya,Kush avọ Put, enọ e riẹ epanọ a re kru ojese na,+Gbe ahwo uyẹ Ludim,+ enọ e riẹ epanọ a re kru jẹ vẹ* uze na.+
10 “Ẹdẹ yena ọ rrọ rọkẹ Olori nọ Ọ Mai Kpehru na, Jihova olori egbaẹmo, ẹdẹ orukele nọ o ti ro ru ewegrẹ riẹ kele. Ọgbọdọ na o ti kpe ai te ẹgwọlọ riẹ jẹ da azẹ rai bẹ, keme Olori nọ Ọ Mai Kpehru na, Jihova olori egbaẹmo, o wo idheidhe* evaọ obọ ẹkwotọ ẹkpẹlobọ ovatha-ọre evaọ akotọ Ethẹ Yufretis.+
11 Nya kpobọ Giliad re whọ rehọ balsam,+O ọmọtẹ-kọkọ Ijipti.
Ifue ibuobu nọ whọ gwọlọ na yọ uye-oruẹ kufiẹ,Keme usiwo ovo o rrọ kẹ owhẹ hẹ.+
12 Erẹwho na i yo kpahe omovuọ ra no,+Yọ edo oviẹ ra o da ẹkwotọ na fia no.
Keme ọgbaẹmo o bi kpawọ họ ọgbaẹmo,Aimava a ve kie fihọ otọ.”
13 Onana họ ẹme nọ Jihova ọ ta kẹ Jerimaya ọruẹaro na kpahe Nebukadneza* ovie Babilọn nọ ọ be nyaze te raha ẹkwotọ Ijipti, inọ:+
14 “Whowho iei evaọ Ijipti, woro iei evaọ Migdọl.+
Woro iei evaọ Nọf* gbe Tapanhis.+
Ta nọ, ‘Wha dikihẹ oria rai re wha ruẹrẹ omarai kpahe,Keme ọgbọdọ o ti kpe wariẹ owhẹ họ.
15 Fikieme a ro hwere ezae egaga ra kufiẹ no?
A dada awọ mu otọ họ,Keme Jihova o gele i rai fihọ otọ no.
16 Enọ i bi zoruẹ je bi kie a rrọ buobu gaga.
A be ta kẹ ohwohwo nọ:
“Kparoma! Joma zihe bru ahwo mai gbe ẹkwotọ maiFiki ọgbọdọ ọgeva na.”’
17 A jọ obei woro nọ,‘Fẹro ovie Ijipti yọ edo ofofe jọ gheghe,Ọnọ o ru nọ uvẹ* na o rọ vrẹ no.’+
18 ‘Nọ mẹ rrọ uzuazọ na,’ ere Ovie na, ọnọ odẹ riẹ o rrọ Jihova olori egbaẹmo ọ ta,‘Ọ* te tha, ọ vẹ jọ wọhọ Tebọ+ nọ ọ rrọ udevie igbehru na,Jẹ wọhọ Kamẹl+ nọ ọ rrọ akotọ abade na.
19 Koko ewha ra họ kẹ igbo,O ọmọtẹ nọ ọ be rria Ijipti.
Keme Nọf* o ti zihe ruọ oware idudu;A ti tu erae họ iẹe,* ohwo ọvo ọ gbẹ te rriae he.+
20 Ijipti ọ wọhọ eruẹ nọ o ri yẹ hẹ nọ o wo erru,Rekọ ere-eni i ti no obọ ẹkpẹlobọ ovatha-ọre ze ti su ruru iei.
21 Makọ isoja riẹ nọ ọ haya nọ e rrọ eva riẹ dede a wọhọ emọ-iruẹ epoporiẹ,Rekọ ai omarai a kuomarẹriẹ jẹ dhẹ no re.
A sae dada awọ rai mu otọ họ,+Keme ẹdẹ okpẹtu rai o bru rai ze no,Oke nọ a ti ro gu ẹkẹ unu rai.’
22 ‘Edo riẹ ọ wọhọ edo araomuomu nọ o bi si vrẹ riariaria,Keme ogaga a rọ wọ bru ei ze avọ iwhe,Wọhọ ezae nọ i bi ko ire fihọ otọ.*
23 A ti kpe owhawho riẹ fihọ otọ,’ ere Jihova ọ ta, ‘dede nọ o wọhọ oria nọ a rẹ sae ruọ eva ha.
Keme a bu vi ebaka-ẹkpẹ, a bu wo umuo ho.
24 A ti ru oma vuọ ọmọtẹ Ijipti.
A te rehọ iẹe kẹ ahwo obọ ẹkpẹlobọ ovatha-ọre.’+
25 “Jihova olori egbaẹmo, Ọghẹnẹ Izrẹl ọ ta nọ: ‘Enẹna mẹ be rẹriẹ ovao mẹ ku Amọn+ obọ No,*+ Fẹro, Ijipti, eghẹnẹ riẹ,+ gbe ivie riẹ—ẹhẹ, Fẹro avọ ahwo kpobi nọ a rẹroso iẹe.’+
26 “‘Mẹ te rehọ ae kẹ ahwo nọ a be gwọlọ uzuazọ* rai kpe, Nebukadneza* ovie Babilọn+ avọ idibo riẹ. Rekọ nọ oyena o tẹ vrẹ no, a vẹ te wariẹ mu ei họ ẹria wọhọ epanọ o jọ oke nọ u kpemu,’ ere Jihova ọ ta.+
27 ‘Rọkẹ owhẹ, Jekọp odibo mẹ, jọ ozọ u mu owhẹ hẹ,Who guegue he, O Izrẹl.+
Keme me ti siwi owhẹ evaọ ugbothabọ,Je ti siwi emọ* ra evaọ ẹkwotọ nọ a jọ rrọ igbo.+
Jekọp o ti zihe ze, ọ vẹ te jọ rirẹ jẹ jọ ababọ ukpokpoma,Ohwo ọvo o ti ru ozọ mu ai hi.+
28 Fikiere, jọ ozọ u mu owhẹ hẹ, Jekọp odibo mẹ,’ ere Jihova ọ ta, ‘keme mẹ rrọ kugbe owhẹ.
Me ti kpe ahwo erẹwho kpobi nọ mẹ vaha owhẹ kpohọ na muotọ,+Rekọ me ti kpe owhẹ muotọ họ.+
Mẹ te whọku owhẹ* te epanọ u fo,+Rekọ mẹ te siọ owhẹ uye ba ẹkẹ hẹ.’”
Eme-Obotọ
^ Evaọ Hibru, “Nebukadreza,” oghẹrẹ ofa nọ a kere i rie.
^ Ojese osese nọ enọ e rẹ sa ose a rẹ mae wha.
^ Evaọ Hibru, “je thihi.”
^ Hayo “ikpakpe nọ o ti kpe.”
^ Evaọ Hibru, “Nebukadreza,” oghẹrẹ ofa nọ a kere i rie.
^ Hayo “Mẹmfis.”
^ Evaọ Hibru, “oke nọ a fihọ.”
^ Koyehọ, ọnọ o ti fi Ijipti kparobọ.
^ Hayo “Mẹmfis.”
^ Hayo o sae jọ nọ, “O ti zihe ruọ otọ nọ o raha no.”
^ Hayo “hwe ire.”
^ Koyehọ, Tebẹs.
^ Evaọ Hibru, “Nebukadreza,” oghẹrẹ ofa nọ a kere i rie.
^ Evaọ Hibru, “ubi.”
^ Hayo “Mẹ te kpọ owhẹ họ.”
