Jerimaya 4:1-31
4 “Otẹrọnọ who re zihe ze, O Izrẹl,” ere Jihova ọ ta nọ,“Otẹrọnọ who re zihe bru omẹ ze,Yọ otẹrọnọ who re si emedhọ etọtọ ra no aro mẹ,Whọ gbẹ te jọ ọnọ ọ be dhẹ dhere he.+
2 Otẹrọnọ who te duwu iyei nọ,‘Nọ Jihova ọ rrọ uzuazọ na!’ evaọ uzẹme, uvioziẹ, gbe ẹrẹreokie,Erẹwho na e vẹ te rọ ẹkwoma riẹ wo oghale kẹ omarai,Yọ ọye a ti ro seha.”+
3 Keme enẹ Jihova ọ ta kẹ ezae Juda gbe Jerusalẹm:
“Wha kporo otọ nọ u re wou ekakọ kẹ omarai,Wha gbẹ kọ eware fihọ udevie idhigbo ho.+
4 Wha yawo omarai kẹ Jihova,Re wha je ku iwoliwo nọ e rrọ udu rai no,+Whai ezae Juda gbe ahwo nọ a be rria Jerusalẹm,Re ofu mẹ ọ gbẹ ware wọhọ erae he,Ọ vẹ be to ababọ ohwo ọvo nọ o re furie iei,Fiki iruẹru imuomu rai.”+
5 Wha whowho iei evaọ Juda, re wha woro iei evaọ Jerusalẹm.
Wha bo je kporo onware nya wariẹ ẹkwotọ na soso họ.+
Wha bo via ruarua re wha ta nọ: “Wha kokohọ oria ovo,Re ma dhẹ ruọ eva ikpewho nọ a di ogba wariẹ họ* na.+
6 Kpare oware oka* rri Zayọn.
Gwọlọ uwou nọ wha rẹ jọ, wha dikihẹ oria ovo ho,”
Keme mẹ be rọ okpẹtu no obọ ẹkpẹlobọ ovatha-ọre tha,+ okpẹtu ologbo.
7 O du lahwe no wọhọ okpohrokpo nọ o no etuetue riẹ ze;+Ọnọ ọ rẹ raha erẹwho na ọ wọ lahwe no.+
Ọ wọ no oria riẹ lahwe no re o ru ẹkwotọ ra fihọ oware idudu.
A te raha ikpewho ra kuotọ, ohwo ọvo ọ gbẹ te rria ae eva ha.+
8 Fikiere wha ku ehọ-ekpa* họ,+Wha weri* je kuenu oviẹ,Keme ofu ọgaga Jihova ọ re rẹriẹ siọ omai ba ha.
9 Jihova ọ ta nọ, “Evaọ ẹdẹ yena, udu ovie na u gbe ti kie he,*+Ere ọvona o te via kẹ udu ikpahwo-esuo na;*Idudu e te jọ izerẹ na oma, yọ akpọ o ti gbe eruẹaro na unu.”+
10 Kẹsena mẹ tẹ ta nọ: “O Jihova Olori nọ Ọ Mai Kpehru na! Evaọ uzẹme, whọ viẹ ahwo nana+ gbe Jerusalẹm họ totọ, inọ, ‘Wha ti wo udhedhẹ,’+ kpakiyọ ọgbọdọ na ọ rrọ uvou mai no.”*
11 Evaọ oke yena, a te ta kẹ ahwo nana gbe Jerusalẹm nọ:
“Ofou ọrrorro ọgaga nọ o no obọ ikpehru ivevẹ nọ e rrọ udhude na zeO ti fou mu ọmọtẹ* ahwo mẹ;Orọnikọ o bi fou ze re o fou erara kufiẹ hẹ hayo ru ibi ekakọ fo ho.
12 Mẹ họ ọnọ o vi ofou ọgaga na no eria nana ze.
Enẹna me ti bruoziẹ kpe ai.
13 Rri! Ọ te tha wọhọ ẹgho oso,Yọ ekẹkẹ riẹ e wọhọ ofou ọwhibo.+
Enyenya riẹ i siawọ vi igo.+
Uye u te omai, keme ma whu no!
14 O Jerusalẹm, wozẹ umuomu no udu ra riẹriẹriẹ, re a ruẹsi siwi owhẹ.+
Ẹvẹ who re wo iroro imuomu fihọ eva kri te?
15 Urru jọ o be vuẹ usi nọ u no obọ Dan ze,+Yọ u bi whowho okpẹtu nọ o no obọ igbehru Ifremu ze.
16 Niyẹrẹ riẹ, ẹhẹ, niyẹrẹ riẹ kẹ erẹwho na;Whowho iei kpahe Jerusalẹm.”
“Elakpa* i bi no obọ ẹkwotọ ugbothabọ ze,Yọ a te kpare irru rai rọsuọ ikpewho Juda.
17 A be vẹruọ Jerusalẹm evaọ tofẹ tofẹ wọhọ iroiro nọ i bi rou udhu,+Fikinọ ọ wọso omẹ no,”+ ere Jihova ọ ta.
18 “A ti ru re iruemu obọra gbe iruẹru ra i hwẹ ku owhẹ uzou.+
Okpẹtu nọ o ti te owhẹ o ti yoma kẹhẹ,Keme o ti te obọ otọ udu ra!”
19 Mẹ be rova,* mẹ be rova!
Udu mẹ o be da omẹ gaga.*
Udu mẹ u bi kie kpikpikpi.
Mẹ sai fibo ho,Keme me* yo edo onware na no,Edo use ẹmo.*+
20 A niyẹrẹ okpẹtu nọ o be via unọjọ utọjọ no,Keme a raha ẹkwotọ na soso no.
A raha iwou-udhu mẹ no idudhe,O raha oke re a tẹ raha ehọ uwou-udhu mẹ no ho.+
21 Ẹvẹ mẹ te gbẹ ruẹ oware oka* na kri te,Je yo edo onware na kri te?+
22 “Keme ahwo mẹ a rrọ gheghẹ;+A be daezọ mẹ hẹ.
Emezae igheghẹ nọ i wo otoriẹ hẹ a rrọ.
A wo areghẹ epanọ a re ro ru eyoma,Rekọ a riẹ epanọ a re ru ewoma ha.”
23 Mẹ ruẹ ẹkwotọ na, o jọ ofofe yọ a gbabọkẹ kẹe no.+
Me rri idhiwu na, elo rai ọ gbẹ jariẹ hẹ.+
24 Mẹ ruẹ igbehru na, yọ i je nuhu,Yọ ikpehru na i je gbe kpakpakpa.+
25 Mẹ ruẹ ohwo ọvo ho,Yọ evra obọ ehru* na kpobi e rra vrẹ no.+
26 Mẹ ruẹ nọ ọgbọ na o zihe ruọ igbrẹwọ no,Yọ a kporo ikpewho riẹ kpobi fihọ otọ no.+
Onana o via fiki Jihova,Fiki ofu ọgaga riẹ.
27 Keme enẹ Jihova ọ ta: “Ẹkwotọ na soso ọ te jọ ofofe,+Rekọ mẹ te raha iẹe muotọ riẹriẹriẹ hẹ.
28 Fiki ẹjiroro nana, ẹkwotọ na o ti weri,+Yọ idhiwu na i ti muebi.+
Keme mẹ ta riẹ no, mẹ jiroro na no,Yọ me ti nwene iroro mẹ hẹ,* hayo se iẹe ba eru hu.+
29 Okpẹwho na soso o be dhẹ+Fiki edo edhẹ-enyenya gbe enọ e rẹ sa ose.
A be ruọ eva ituetue na,A be gadiẹ itho na.+
A dhẹ no okpẹwho kpobi no,Yọ ohwo ọvo ọ be rria ae eva ha.”
30 Enẹna nọ a raha owhẹ no na, eme who ti ru na?
Whọ jẹ hai ku iwu ohọ owawae họ,Jẹ whẹ eware osẹ igoru họ,vJẹ rehọ usiaro ubiebi si ikpe-aro ra fihọ kẹkẹe.
Rekọ uye nọ whọ jẹ rọ whẹ erru họ oma ra na uvrẹvru,+Keme ahwo nọ a jẹ dhẹ lele owhẹ a siọ owhẹ no;Enẹna a be gwọlọ uzuazọ* ra kpe.+
31 Keme me yo edo nọ ọ wọhọ ọrọ aye nọ ọ be mọ,Idhọvẹ nọ e wọhọ erọ aye nọ o bi yẹ ọmọ ọsosuọ riẹ,Uvou ọmọtẹ Zayọn nọ ẹwẹ riẹ o bi te otọ te ehru hu.
Ọ rriẹ abọ riẹ fihọ, yọ ọ be ta nọ:+
“Uye u te omẹ, keme oma o lọhọ omẹ* no fiki ikpikpakpe na!”
Eme-Obotọ
^ Hayo “e rẹ bẹ ẹvẹruọ.”
^ Hayo “ọkpọ oka.”
^ Hayo “Wha tehe igbama rai.”
^ Hayo “ehọ-ẹkporo.”
^ Hayo “udu u ti no ovie na awọ.”
^ Hayo “Ere ọvona udu u ti no ikpahwo-esuo na awọ re.”
^ Hayo “kpakiyọ ọgbọdọ na o te omai oma no.”
^ Nọ odẹme nọ a re ro dhesẹ oware wọhọ ẹsenọ ọ rrọ ohwo, ẹsejọhọ o be ta kpahe ohrọ-oriọ hayo uweri nọ a bi weri kẹ ohwo.
^ Evaọ Hibru, “Enọ i re rri,” koyehọ, enọ i bi rri okpẹwho na re a riẹ okenọ a rẹ rọ vẹruọ ẹe.
^ Evaọ Hibru, “Ivu mẹ.”
^ Evaọ Hibru, “Igbẹhẹ udu mẹ e be da omẹ gaga.”
^ Hayo o sae jọ nọ, “Edo ubo ẹmo.”
^ Hayo “ọkpọ oka.”
^ Hayo “idhiwu.”
^ Hayo “o te da omẹ hẹ.”
