Joel 2:1-32

  • Ti aldaw ni Jehova ken ti dakkel nga armadana (1-11)

  • Awis a panagsubli ken Jehova (12-17)

    • “Pisangenyo ti pusoyo” (13)

  • Sungbat ni Jehova iti ilina (18-32)

    • “Ibukbukkonto ti espirituk” (28)

    • Nakaskasdaaw a bambanag iti langit ken daga (30)

    • Maisalakanto dagidiay umawag iti nagan ni Jehova (32)

2  “Puyotenyo ti tangguyob idiay Sion!+ Ipukkawyo ti gubat iti nasantuan a bantayko. Agpigerger koma ti amin nga agnanaed iti daga,Ta um-umayen ti aldaw ni Jehova!+ Asidegen!   Aldaw dayta ti nakaro a kinasipnget,+Aldaw dagiti ulep ken nakaro a kinasipnget,+Kas iti lawag ti parbangon nga agsaknap iti bambantay. Adda nakaad-adu ken nabibileg a tattao;+Awan pay ti kasta manipud idi,Ket awanton ti sumarunoIti panaglabas dagiti tawen ti amin a henerasion.   Adda apuy a mangdadael iti sanguananda,Ken adda apuy a mangibus iti likudanda.+ Kasla hardin ti Eden ti daga iti sanguananda,+Ngem langalang a let-ang ti adda iti likudanda,Ket awan ti makalibas.   Kasla kabalio ti langada,Ken kasla kabalio a pakigubat ti panagtarayda.+   Kasla uni dagiti karuahe ti panaglagtoda iti tuktok ti bambantay,+Kas iti sumanetset nga uni ti maur-uram a garami. Kasla iti nabibileg a tattao a nakapuesto a makigubat.+   Gapu kadakuada, agdanagto dagiti tattao. Lumabbaganto ti amin a rupa.   Dumarupda a kas kadagiti mannakigubat,Umulida iti pader a kas kadagiti soldado,Saanda a baliwan ti turongda,Ken saanda a mapan iti sabali a dalan.   Saanda nga agdidinnungpar;Saan nga agbaliw ti turong ti tunggal maysa. No matumba ti mapuntaan dagiti armas,Saan a sumina iti linia ti dadduma.   Dumarupda iti siudad, agtarayda iti pader. Ulienda dagiti balay, sumrekda iti tawa a kas iti mannanakaw. 10  Agpigerger ti daga ken magunggon ti langit iti sanguananda. Simmipnget ti init ken bulan,+Ket naawan ti raniag dagiti bituen. 11  Agpukkawto ni Jehova iti sanguanan ti armadana,+ ta nakaad-aduda.+ Ta nabileg daydiay mangitungtungpal iti saona;Ta naindaklan ken nakaam-amak unay ti aldaw ni Jehova.+ Asino ti makalasat iti dayta?”+ 12  “Uray ita,” kuna ni Jehova, “agsublikayo kaniak iti amin a pusoyo,+Buyogen ti panagayunar,+ panagsangit, ken panagdung-aw. 13  Pisangenyo ti pusoyo,+ saan a ti badoyo,+Ket agsublikayo ken Jehova a Diosyo,Ta mannakipagrikna* ken naasi, nabannayat nga agpungtot+ ken dakkel ti napudno nga ayatna,+Ken panunotennanto manen* ti iyegna a kalamidad. 14  Asino ti makaammo no baliwanna ti desisionna ken panunotenna manen dayta*+Ket mangibati iti bendision,Daton a bukbukel ken daton nga inumen para ken Jehova a Diosyo? 15  Puyotanyo ti tangguyob idiay Sion! Iwaragawagyo* ti panagayunar; ipakaammoyo ti panagtitipon.+ 16  Ummongenyo dagiti umili; pagbalinenyo a nasantuan ti naguummong a tattao.+ Ummongenyo dagiti lallakay,* ubbing, ken agsussuso a maladaga.+ Rummuar koma ti nobio iti kuartona, ken ti nobia iti kuartona. 17  Iti nagbaetan ti beranda ken altar,+Agsangit koma dagiti papadi, dagiti agserserbi ken Jehova, ket ibagada: ‘Maasianka iti ilim, O Jehova;Dimo ipalubos a malais ti tawidmoKen iturayan ida dagiti nasion. Apay koma nga ibaga dagiti tattao, “Ayan ti Diosda?”’+ 18  Iti kasta, sireregta a salaknibanto ni Jehova ti daganaKen kaasianna ti ilina.+ 19  Isungbatto ni Jehova iti ilina: ‘Ibaonko kadakayo ti bukbukel ken baro nga arak ken ti lana,Ket naan-anayto a mapnekkayo;+Saankonton nga ipalubos a maumsikayo kadagiti nasion.+ 20  Papanawekto ti taga-amianan;Ipankonto iti namaga ken langalang a daga,A nakaturong ti makinsango a guardiana* iti baybay iti daya*Ken nakaturong ti makinlikud a guardiana iti baybay iti laud.* Agpangatonto ti bangsitna,Agtultuloyto nga agpangato ti buyokna;+Ta agaramidto ti Dios iti naindaklan a bambanag.’ 21  Dika agbuteng, O daga. Agragsak ken agrag-oka, ta agaramidto ni Jehova iti naindaklan a bambanag. 22  Dikay agbuteng, dakayo nga animal iti tanap,Ta lumangtonto dagiti pagpastoran iti let-ang,+Ken agbunganto dagiti kayo;+Adunto ti bunga ti kayo a higos ken ti ubas.+ 23  Dakayo nga annak ti Sion, agragsak ken agrag-okayo ken Jehova a Diosyo;+Ta ipaaynanto kadakayo ti kalalainganna a nasapa a tudo,Ken pagtinnagennanto kadakayo ti napigsa a tudo,Ti nasapa a tudo ken naladaw a tudo, kas idi damo.+ 24  Mapnonto dagiti pagirikan iti nadalusan a bukbukel,Ket aglippiasto dagiti pagpespesan iti baro nga arak ken lana.+ 25  Itedkonto ti tangdanyo para kadagiti tawenA pannangan ti sangapangen a dudon, dagiti awan pay payakna a dudon, narawet a dudon, ken mangdadael a dudon,Ti dakkel nga armadak nga imbaonko kadakayo.+ 26  Sigurado nga agpennekkayto a mangan,+Ket idaydayawyonto ti nagan ni Jehova a Diosyo,+A nagaramid iti nakaskasdaaw a bambanag maigapu kadakayo;Saanton a pulos maibabain ti ilik.+ 27  Ket maammuanyonto nga addaak iti tengnga ti Israel+Ken siak ni Jehova a Diosyo+—awanen sabali! Saanton a pulos maibabain ti ilik. 28  Kalpasanna, ibukbokkonto ti espirituk+ iti amin a kita ti tattao,Ket agipadtonto ti annakyo a lallaki ken babbai,Agtagtagainepto dagiti lallakay kadakayo,Ken makakitanto kadagiti sirmata ti agtutuboyo a lallaki.+ 29  Kadagidiay nga aldaw, ibukbokkonto ti espiritukUray iti adipenko a lallaki ken babbai. 30  Mangaramidakto iti nakaskasdaaw a bambanag* iti langit ken iti daga,Dara ken apuy ken napuskol nga asuk.+ 31  Sumipngetto ti init ken agbalin a dara ti bulan,+Sakbay ti iyaay ti naindaklan ken nakaam-amak nga aldaw ni Jehova.+ 32  Maisalakanto ti amin nga umawag iti nagan ni Jehova;+Ta addanto iti Bantay Sion ken iti Jerusalem dagidiay nakalibas,+ kas kinuna ni Jehova,Dagiti nakalasat nga inayaban ni Jehova.”

Footnotes

Wenno “nakonsiderar.”
Wenno “pagladingitannanto.”
Wenno “maladingitan.”
Wenno “Saganaanyo.”
Wenno “panglakayen.”
Lit., “ti rupana.”
Kayatna a sawen, ti Natay a Baybay.
Kayatna a sawen, ti Baybay Mediteraneo.
Wenno “tanda.”