Joshua 12:1-24
12 Jordan nichuahlei ah a ummi Arnon Horkuang in Hermon Tlang tiang, nichuahlei ah Arabah hmun vialte kha Israel mi nih an lak i an siangpahrang cu an tei hna.
2 Heshbon khua ah a ummi Amor siangpahrang Sihon kha an tei. Anih nih Arnon Horkuang* kam ah a ummi Aroer khua, horkuang a laifang in Ammon mi hna ramri Jabbok Horkuang tiang, cun Gilead ram a cheu kha a uk.
3 Mah leng ah Arabah nichuahlei ram zong a uk. Mah cu Khinnereth Rili* in Arabah tiah auhmi Cite Rili* pawng Beth-jeshimoth tiang, thlanglei ah Pisgah tlangpang tiang a kau.
4 Cun Bashan siangpahrang Og ukmi hmun hna zong an lak. Anih cu Ashtaroth le Edrei ah a um i hmanung bik a taangmi Repha mi lakah aa tel ve.
5 A ukmi ram cu Harmon Tlang, Salekah khua le Bashan ram vialte, Geshur mi le Maakath mi hna ramri tiang, Gilead ram a cheu le Heshbon siangpahrang Sihon ukmi ramri tiang a kau.
6 Jehovah sal Moses le Israel mi nih mah siangpahrang hna cu an rak tei hna. Mah hnuah Jehovah sal Moses nih Reuben phun, Gad phun le Manasseh phun a cheu kha an ram cu a coter hna.
7 Joshua le Israel mi nih Jordan nitlaklei i siangpahrang hna kha an tei hna. An ram cu Lebanon Horkuang ah a ummi Baal-gad in Seir lei ah a kaimi Halak Tlang tiang a si. Cu hnuah Joshua nih Israel mi kha an phun ning cio in ram cu a phawt hna i a coter hna.
8 Mah ram hna cu Hit mi, Amor mi, Kanaan mi, Periz mi, Hiv mi le Jebus mi an umnak tlangram, Shefelah, Arabah, tlangpang, ramcar le Negeb ram an si. Cu siangpahrang hna cu mah hna hi an si:
9 Jeriko siangpahrang; Bethel pawng ah a ummi Ai siangpahrang;
10 Jerusalem siangpahrang; Hebron siangpahrang;
11 Jarmuth siangpahrang; Lakhish siangpahrang;
12 Eglon siangpahrang; Gezer siangpahrang;
13 Debir siangpahrang; Geder siangpahrang;
14 Hormah siangpahrang; Arad siangpahrang;
15 Libnah siangpahrang; Adullam siangpahrang;
16 Makkedah siangpahrang; Bethel siangpahrang;
17 Tappuah siangpahrang; Hepher siangpahrang;
18 Aphek siangpahrang; Las-sharon siangpahrang;
19 Madon siangpahrang; Hazor siangpahrang;
20 Shimron-meron siangpahrang; Akshaf siangpahrang;
21 Taanakh siangpahrang; Megiddo siangpahrang;
22 Kedesh siangpahrang; Karmel ah a ummi Jokneam siangpahrang;
23 Dor tlangpang ah a ummi Dor siangpahrang; Gilgal ah a ummi Goiim siangpahrang;
24 Tirzah siangpahrang; an dihlak in 31 an si.
