ƝANMIƐN NDƐ’N NUN NINNGE KPAKPA WIE MUN | SA NGA BE YOLI’N 21–22
“Maan ɔ yo kɛ nga Zoova bɔbɔ klo’n sa”
Pɔlu wunnin i kɛ Ɲanmiɛn wawɛ’n miɛn i kɛ ɔ wɔ Zerizalɛmun, naan sɛ ɔ ju lɔ’n ɔ́ wún ɲrɛnnɛn. (Yol 20:22, 23) I sɔ ti’n, kɛ i niaan Klisifuɛ mun mɔ be bu i wun akunndan kpa’n be kpɛtɛli i kɛ nán ɔ wɔ’n, ɔ seli be kɛ: “?Ngue ti yɛ amun sun-ɔn? ?Yɛ ngue ti yɛ amun kunndɛ kɛ amún búbú min sa sin-ɔn?” (Yol 21:13) Be nga be kunndɛ kɛ bé klɛ́n be wun bé yó like kwlaa nga be kwla yo i Zoova i sulɛ nun’n, e kunndɛman le kɛ é búbú be sa sin.
