IiNdumiso 36:1-12
Kumalathisi. Eyomkhonzi kaYehova, uDavide.
36 Isono somenzi-bubi sithetha siye kutsho kumazantsi entliziyo yakhe;Amehlo akhe awamoyiki kwaphela uThixo.+
2 Kuba emehlweni akhe uzibona ebheteleKangangokuba akaziboni aze azicaphukele iimpazamo zakhe.+
3 Uthetha izinto ezibuhlungu neziqhathayo;Akanabulumko bokwenza izinto ezintle.
4 Ebhedini yakhe ucinga amayelenqe enzakalisayo.
Uzimisele ukuhamba endleleni engalunganga;Akazenyanyi izinto ezimbi.
5 Owu Yehova, uthando lwakho olungagungqiyo lufikelela emazulwini;+Ukuthembeka kwakho kuphezulu emafini.
6 Ubulungisa bakho bunjengeentaba eziphakamileyo;*+Izigwebo zakho zinjengamanzi anzulu.+
Usindisa* umntu nerhamncwa, wena Yehova.+
7 Luxabiseke ngeyona ndlela uthando lwakho olungagungqiyo Thixo!+
Oonyana babantu babalekela ethunzini lamaphiko akho.+
8 Basela banele kwintabalala yobutyebi bendlu* yakho,+
Ibe ubaseza kumfula wamanzi akho amnandi.+
9 Ukuwe umthombo wobomi;+Ukukhanya sikubona ngokukhanya kwakho.+
10 Qhubeka ubathanda ngokungagungqiyo abo bakwaziyo,+Ubenzela nobulungisa abo baneentliziyo ezilungileyo.+
11 Sukuyeka unyawo lwabanekratshi lundinyatheleOkanye ndidudulwe sisandla sabantu abangalunganga.
12 Bawele apho abenzi-bubi;Babethwe kanobom kangangokuba abakwazi kuvuka.+