Sha Uwegh ku Mateu 1:1-25
1 Ngun ka takeda u sha kwagh u yiase i* Yesu Kristu,* wan u Davidi,+ wan u Aberaham:+
2 Aberaham mar Isaka;+Isaka mar Yakob;+Yakob mar Yuda+ kua anmgbianev nav;
3 Yuda mar Pereshi man Sera+ a Tamar;Pereshi mar Heseron;+Heseron mar Ram;+
4 Ram mar Aminadabi;Aminadabi mar Nashon;+Nashon mar Salmon;
5 Salmon mar Boashi a Rahabi;+Boashi mar Obedi a Rutu;+Obedi mar Yese;+
6 Yese gema mar Tor Davidi;+Davidi mar Solomon+ a kwase u Uria;
7 Solomon mar Rehoboam;+Rehoboam mar Abiya;Abiya mar Asa;+
8 Asa mar Yehoshafati;+Yehoshafati mar Yehoram;+Yehoram mar Ushia;
9 Ushia mar Yotam;+Yotam mar Ahashi;+Ahashi mar Hesekia;+
10 Hesekia mar Manase;+Manase mar Amon;+Amon mar Yoshia;+
11 Yoshia+ mar Yekonia+ man anmgbianev nav sha ayange a i lu yemen a ior ken Babilon la.+
12 Mba yemen a ior ken Babilon kera yô, Yekonia mar Sheatiel;Sheatiel mar Serubabel;+
13 Serubabel mar Abiudi;Abiudi mar Eliakim;Eliakim mar Esôr;
14 Esôr mar Sadoki;Sadoki mar Akim;Akim mar Elaudi;
15 Elaudi mar Eleasar;Eleasar mar Matan;Matan mar Yakob;
16 Yakob mar Yosev nom u Maria, un u yange mar Yesu,+ u i yilan ér Kristu la.+
17 Kohol ikyov ne cii, hii sha Aberaham zan zan va ar sha Davidi, lu ikyov 14, shi hii sha Davidi zan zan va ar sha shighe u i yem a ior ken Babilon la, lu ikyov 14, shi hii sha shighe u i yem a ior ken Babilon la zan zan va ar sha Kristu, lu ikyov 14.
18 Gema kape kwagh u mar u Yesu Kristu yange lu ne. Ngô na Maria yange tôndo zwa u vôson Yosev, kpa ve lu a vôso ga je maa wa iyav sha icighan jijingi.*+
19 Nahan kpa, er nom na Yosev lu orperapera yô, soo ér a̱ ya kunya ken igbar ga, nahan a wa ken ishima ér una pav a na ving.+
20 Kpa henen sha akaa ne cii yô, ortyom u Yehova* va ande hen a na ken mnya, kaa a na ér: “Yosev, wan u Davidi, de cian u kuan a kwase wou Maria van a na hen ya ga, gadia a jile iyol* ka sha icighan jijingi je.+
21 Una mar wan u nomso, nahan u ii un iti wer Yesu,*+ sha ci u ka un una yima ior nav sha asorabo a ve ye.”+
22 Akaa ne cii er nahan mimi sha u kuren kwagh u Yehova* yange mgbegha profeti na ôr ne, ér:
23 “Nenge! Iniunkwase ia wa iyav, ia mar wan u nomso, a ii un iti ér Imanuel,”+ inja na yô ér, “Aôndo Ngu a Vese.”+
24 Yosev nderen yô, a er kwagh u ortyom u Yehova* kaa un la. A kua a kwase na a va a na hen ya na.
25 Kpa a yav a na ga zan zan a kar maren wan u nomso.+ A ii un iti ér Yesu.+
Ngeren mba shin kpe
^ Shin “tsombor u.”
^ Shin “Mesiya; Un u I Shigh Un Mkurem La.”
^ Shin “sha tahav mbu Aôndo.”
^ Ka ijiir i hiihii ken ajiir 241 a Bibilo ne i̱ ter iti i Aôndo i Yehova la ken Ruamabera u Mbakristu u ken Zwa Grika je ne. Nenge Ngeren u Seer u A5 la.
^ Shin “a wa iyav.”
^ Iti ne zua sha iti i ken zwa Heberu i i yer ér Yeshua, shin Yoshua la. Man inja na yô ér, “Yehova Ka Myom.”
^ Nenge Ngeren u Seer u A5 la.
^ Nenge Ngeren u Seer u A5 la.
