Salmo 80:1-19
Ba dirijente: Tuir melodia Líriu. Asaf+ nia knananuk atu fó-hanoin ba povu.
80 Rona bá, oh Izraél nia Bibi-Atan,Ita mak dirije José hanesan dirije bibi-lubun.+
Ita mak tuur iha kadunan iha kerubín sira-nia leten,*+Hatudu sai Ita-nia naroman bá.
2 Iha Efraim, Benjamim no Manasés nia oin,Hatudu sai Ita-nia kbiit bá;+Mai no salva ami.+
3 Oh Maromak, simu fali ami bá;+Ami hein katak Ita-nia oin nabilan ba ami, atu nuneʼe ami bele hetan salvasaun.+
4 Oh Jeová, Maromak neʼebé ukun tropa lalehan nian, toʼo bainhira mak Ita sei kontinua hirus no lakohi rona Ita-nia povu nia orasaun?+
5 Ita halo sira-nia matan-been sai hanesan paun neʼebé sira han,No Ita halo sira hemu matan-been barak toʼo labele sukat.
6 Ita husik nasaun sira neʼebé haleʼu ami haksesuk malu atu manán ami;Ami-nia inimigu sira kontinua goza ami tuir sira-nia hakarak.+
7 Oh Maromak neʼebé ukun tropa lalehan nian, simu fali ami bá;Ami hein katak Ita-nia oin nabilan ba ami, atu nuneʼe ami bele hetan salvasaun.+
8 Ita halo uvas-hun ida+ sai husi rai-Ejitu.
Ita duni sai tiha nasaun sira no kuda ona uvas-hun neʼe iha sira-nia rai.+
9 Ita hamoos rai ba uvas-hun neʼe,No nia sai abut tiha no buras toʼo taka rai tomak.+
10 Uvas-hun nia mahon taka tiha foho sira,No ninia sanak sira taka tiha Maromak nia ai-sedru sira.
11 Ninia sanak sira toʼo tasi,No ninia dikin sira toʼo Mota.*+
12 Tanbasá mak Ita harahun moru fatuk nian husi toʼos-uvas neʼe,+Hodi ema hotu neʼebé laʼo liu kuʼu ninia fuan?+
13 Fahi-fuik sira husi ai-laran estraga toʼos-uvas neʼe,No animál fuik sira husi rai-luan han ida-neʼe.+
14 Oh Maromak neʼebé ukun tropa lalehan nian, fila fali mai.
Hateke tun husi lalehan no haree bá!
Tau matan ba uvas-hun neʼe,+
15 Ai-oan* neʼebé Ita kuda ona ho Ita-nia liman-loos,+No hateke ba oan-mane* neʼebé Ita fó ona kbiit atu fó glória ba Ita.+
16 Ai-oan neʼe tesi tiha ona no sunu tiha.+
Ema sira lakon mohu tanba Ita korrije sira.*
17 Favór ida, apoia ema neʼebé iha Ita-nia liman-loos,Apoia ema nia oan-mane neʼebé Ita fó ona kbiit atu fó glória ba Ita.+
18 No ami sei la fila kotuk tan ba Ita.
Proteje ami-nia moris, atu nuneʼe ami bele bolu Ita-nia naran.
19 Oh Jeová, Maromak neʼebé ukun tropa lalehan nian, simu fali ami bá;Ami hein katak Ita-nia oin nabilan ba ami, atu nuneʼe ami bele hetan salvasaun.+
Nota-rodapé
^ Ka karik “kerubín sira-nia leet”.
^ Neʼe katak Mota Eufrates.
^ Ka “Uvas-hun”.
^ Ka “sanak”.
^ Orj., “tanba Ita-nia oin korrije sira”.