Salmo 116:1-19
116 Haʼu hadomi JeováTanba nia rona* haʼu-nia lian, haʼu-nia harohan atu husu ajuda.+
2 Tanba nia see tilun* mai haʼu,+No haʼu sei bolu nia durante haʼu-nia moris tomak.
3 Tali mate nian bobar haleʼu haʼu;Rate kaer metin ona haʼu.*+
Neon-susar no triste mak domina tiha haʼu.+
4 Maibé haʼu bolu Jeová nia naran, hodi dehan:+
“Oh Jeová, salva haʼu!”
5 Jeová mak laran-diʼak no iha hahalok loos;+Ita-nia Maromak mak laran-sadiʼa.+
6 Jeová mak proteje ema sira neʼebé la iha esperiénsia.+
Haʼu kbiit-laek, no nia salva haʼu.
7 Haʼu sei hela ho hakmatek fali,Tanba Jeová hatudu ona laran-diʼak ba haʼu.
8 Ita salva ona haʼu husi mate,Ita halo haʼu la tanis tan no hanetik haʼu-nia ain hodi la sidi.+
9 Haʼu sei laʼo iha Jeová nia oin iha ema moris nia leet.
10 Tanba ho haʼu-nia fiar mak haʼu koʼalia;+Haʼu hetan terus boot.
11 Kona-ba haʼu, haʼu taʼuk tebes no dehan:
“Ema hotu bosok-teen.”+
12 Saida mak haʼu sei fó hodi selu fali JeováTanba buat diʼak hotu neʼebé nia halo ona ba haʼu?
13 Haʼu sei foti kopu salvasaun nian,*No haʼu sei bolu Jeová nia naran.
14 Haʼu sei kumpre haʼu-nia juramentu ba JeováIha ninia povu hotu nia oin.+
15 Sira neʼebé laran-metin ba Jeová,Sira-nia mate mak buat neʼebé folin-boot* tebes iha ninia matan.+
16 Oh Jeová, haʼu husu ho laran ba Ita,Tanba haʼu mak Ita-nia atan.
Haʼu mak Ita-nia atan, no oan-mane husi Ita-nia atan-feto.
Ita halo haʼu livre ona husi korrente neʼebé kesi metin haʼu.+
17 Haʼu sei fó agradese nuʼudar sakrifísiu ba Ita;+Haʼu sei bolu Jeová nia naran.
18 Haʼu sei kumpre haʼu-nia juramentu ba Jeová+Iha ninia povu hotu nia oin,+
19 Iha pátiu* sira husi Jeová nia uma,+Iha sidade Jeruzalein nia leet.
Fó hahiʼi ba Jah!*+
Nota-rodapé
^ Ka karik “Haʼu hadomi tanba Jeová rona”.
^ Ka “hakruʼuk no rona”.
^ Orj., “Terus siol nian hetan ona haʼu”. Haree “Siol” iha Glosáriu.
^ Ka “salvasaun boot”.
^ Ka “sériu”.
^ Ka “Aleluia”. “Ia” ka “Jah” mak naran badak ba Jeová.
