Skip to content

Skip to table of contents

 PERGUNTA 2

Oinsá mak ita bele aprende kona-ba Maromak?

“Livru Ukun-Fuan nian neʼe tenke nafatin iha ó-nia ibun, no ó tenke lee no medita loron no kalan, atu nuneʼe ó bele halo tuir ho didiʼak liafuan hotu neʼebé hakerek iha laran; hodi halo nuneʼe mak ó sei hetan susesu iha ó-nia dalan sira no ó sei hatudu hahalok neʼebé matenek.”

Josué 1:8

“Sira kontinua lee ho lian makaʼas liafuan husi livru neʼe, husi Maromak loos nia Ukun-Fuan, hodi esplika informasaun neʼe ho didiʼak no esplika liafuan sira-neʼe katak sá; nuneʼe sira ajuda povu neʼe atu komprende buat neʼebé lee ona ba sira.”

Neemias 8:8

“Ksolok ba ema neʼebé la halo tuir ema aat nia konsellu . . . Maibé nia gosta tebes Jeová nia ukun-fuan. Nia lee no medita Ninia ukun-fuan loron no kalan. . . . Nia sei hetan susesu iha buat hotu neʼebé nia halo.”

Salmo 1:1-3

“Filipe halai iha kuda-karreta nia sorin no rona nia lee profeta Isaias nia livru ho lian makaʼas, no Filipe husu ba nia: ‘Señór komprende buat neʼebé Ita lee ka lae?’ Nia dehan: ‘Oinsá mak haʼu bele komprende se la iha ema ida mak esplika mai haʼu?’”

Apóstolu 8:30, 31

 “Maski ema labele haree Maromak ho matan, maibé sira bele haree ninia hahalok sira ho klaru hahú husi tempu neʼebé nia kria mundu. Kuandu ema hanoin kona-ba buat neʼebé nia kria, sira bele haree ninia kbiit neʼebé iha ba nafatin no ninia pozisaun nuʼudar Maromak. Tan neʼe, sira la iha razaun atu la fiar Maromak.”

Roma 1:20

“Hanoin kleʼan kona-ba buat sira-neʼe, no fó ó-nia an tomak ba buat sira-neʼe, atu nuneʼe ema hotu bele haree ho momoos oinsá ó laʼo ba oin.”

1 Timóteo 4:15

“Mai ita hanoin malu hodi fó laran-manas ba malu atu hatudu domin no hahalok diʼak, no . . . keta haluha atu halibur hamutuk.”

Ebreu 10:24, 25

“Se imi ida presiza matenek, nia tenke husu beibeik ba Maromak, no Maromak sei fó matenek ba nia, tanba Maromak fó ba ema hotu ho laran-luak no la hamoe sira.”

Tiago 1:5