“Kona-ba ó, oh Belein Efrata, . . . husi ó mak sei mosu ba haʼu ida neʼebé sei ukun Izraél.”

Miqueias 5:2

“Jesus moris iha Belein iha rai-Judeia durante Liurai Herodes nia tempu. Iha tempu neʼebá, matenek-naʼin sira neʼebé estuda fitun mai husi área Leste no toʼo iha Jeruzalein.”

Mateus 2:1

“Sira fahe haʼu-nia roupa ba malu, no sira dada sorteiu kona-ba haʼu-nia roupa.”

Salmo 22:18

“Kuandu tropa sira prega tiha Jesus iha ai-riin, sira foti ninia roupa parte liʼur no fahe ba haat . . . Sira mós foti ninia roupa parte laran, roupa neʼe la suku hamutuk, maibé ema soru tomak deʼit husi leten toʼo kraik. Entaun, sira dehan ba malu: ‘Keta lees roupa neʼe, maibé mai ita dada sorteiu atu hatene sé mak sei hetan roupa neʼe.’”

João 19:23, 24

“Nia proteje ema laran-loos nia ruin sira hotu; la iha ida mak tohar.”

Salmo 34:20

“Kuandu sira toʼo Jesus, sira haree nia mate ona, nuneʼe sira la halo tohar ninia ain.”

João 19:33

“Ema sona borus nia tanba ami-nia hahalok aat.”

Isaias 53:5

“Tropa ida sona Jesus nia sorin ho diman, no bee ho raan suli sai kedas.”

João 19:34

“Sira selu haʼu-nia kolen osan-mutin 30.”

Zacarias 11:12, 13

“Depois neʼe, sira naʼin Sanulu-Resin-Rua neʼe ida, naran Judas Iscariotes, bá hasoru ulun-naʼin amlulik sira, no nia hatete: ‘Imi fó saida ba haʼu se haʼu entrega nia ba imi?’ Sira promete atu fó osan-mutin 30 ba nia.”

Mateus 26:14, 15; 27:5