Skip to content

Skip to table of contents

 B1

Bíblia nia mensajen

Maromak Jeová iha direitu atu ukun kriatura hotu. Dalan neʼebé nia ukun mak diʼak liu. Ninia hakarak ba ema no mundu neʼe sei sai loos.

Depois tinan 4026 AEC

“Samea” koʼalia kontra Jeová nia direitu atu ukun no mós ninia dalan atu ukun. Jeová promete atu fó “bei-oan” neʼebé sei harahun samea, ka Satanás. (Génesis 3:1-5, 15) Maibé Jeová fó tempu ba ema atu ukun an ho samea nia influénsia.

Tinan 1943 AEC

Jeová fó-hatene ba Abraão katak “bei-oan” neʼebé nia promete ona sei mai husi Abraão nia jerasaun.—Génesis 22:18.

Depois tinan 1070 AEC

Jeová fó-hatene ba Liurai David no tuirmai ba ninia oan Salomão katak “bei-oan” neʼebé promete ona sei mai husi sira-nia liña jerasaun.—2 Samuel 7:12, 16; 1 Reis 9:3-5; Isaias 9:6, 7.

Tinan 29 EC

Jeová fó sai katak Jesus mak “bei-oan” neʼebé promete ona, neʼebé sei tuur iha David nia kadunan nuʼudar liurai.—Galásia 3:16; Lucas 1:31-33; 3:21, 22.

 Tinan 33 EC

Samea, ka Satanás, hakanek “bei-oan” neʼe ba tempu uitoan hodi oho Jesus. Jeová fó moris-hiʼas ba Jesus atu hela iha lalehan. Jeová simu folin husi Jesus nia moris neʼebé perfeitu, hodi nuneʼe loke dalan ba Adão nia oan sira atu hetan perdua husi sira-nia sala no atu bele hetan moris ba nafatin.—Génesis 3:15; Apóstolu 2:32-36; 1 Korinto 15:21, 22.

Maizumenus tinan 1914 EC

Jesus soe tun samea, ka Satanás, ba mundu, no husik nia ba tempu uitoan.—Apokalipse 12:7-9, 12.

Iha futuru

Jesus sei kesi Satanás ba tinan 1.000 no tuirmai halakon nia ba nafatin, neʼe katak harahun samea nia ulun. Jeová nia hakarak uluk nian ba ema no ba mundu sei sai loos, nia sei hamoos ninia naran, no nia sei hatudu katak dalan neʼebé nia ukun mak diʼak liu hotu.—Apokalipse 20:1-3, 10; 21:3, 4.