Salmo 105:1-45

  • Jeová hatudu laran-metin ba ninia povu

    • Maromak hanoin-hetan ninia aliansa (8-10)

    • “Keta book ema sira neʼebé haʼu hili ona” (15)

    • Maromak uza José neʼebé sai ona atan (17-22)

    • Maromak nia milagre sira iha rai-Ejitu (23-36)

    • Ema Izraél sai husi Ejitu (37-39)

    • Maromak hanoin-hetan ninia promesa ba Abraão (42)

105  Fó agradese ba Jeová,+ bolu ninia naran,Fó sai ninia hahalok sira iha povu nia leet!+   Kanta ba nia, kanta knananuk hahiʼi nian* ba nia,Hanoin kleʼan* kona-ba buat furak hotu neʼebé nia halo.+   Koʼalia ho orgullu kona-ba ninia naran neʼebé santu.+ Haksolok bá sira neʼebé buka Jeová.+   Buka Jeová+ no husu nia atu fó kbiit. Buka nia beibeik.*   Hanoin-hetan hahalok furak sira neʼebé nia halo ona,Ninia milagre no desizaun sira neʼebé nia fó sai ona,+   Imi, ninia atan Abraão nia bei-oan sira,+Imi Jacob nia oan-mane sira, povu neʼebé nia hili ona.+   Nia mak Jeová, ita-nia Maromak.+ Ninia desizaun sira kona mundu tomak.+   Nia hanoin-hetan ninia aliansa ba nafatin,+Promesa neʼebé nia halo ona toʼo jerasaun rihun ida,+   Aliansa neʼebé nia halo ona ho Abraão,+No juramentu neʼebé nia halo ona ho Isaac,+ 10  Neʼebé nia halo metin ona nuʼudar lei ba JacobNo nuʼudar aliansa ba nafatin ho Izraél, 11  Hodi dehan: “Haʼu sei fó rai-Kanaan ba ó+Nuʼudar liman-rohan neʼebé haʼu fahe ona ba imi.”+ 12  Iha tempu neʼebá sira mak ema uitoan deʼit,+Sin, uitoan loos, no sira hela nuʼudar ema estranjeiru iha rai neʼe.+ 13  Sira laʼo husi nasaun ida ba nasaun seluk,Husi rai ida ba rai seluk.+ 14  Nia la husik ema ida atu hanehan sira,+Maibé tanba sira mak nia korrije liurai sira,+ 15  Hodi dehan: “Keta book ema sira neʼebé haʼu hili* ona,No keta halo aat ba haʼu-nia profeta sira.”+ 16  Nia lori hamlaha ba rai neʼe;+Nia halakon sira-nia paun hotu.* 17  Nia haruka mane ida atu bá uluk liu sira,Neʼebé ema faʼan tiha nuʼudar atan, neʼe mak José.+ 18  Sira kesi* ninia ain ho korrente,+Tau besi iha ninia kakorok; 19  Toʼo tempu neʼebé Maromak Jeová nia liafuan sai loos,+Maromak nia liafuan mak buat neʼebé hamoos* nia. 20  Liurai haruka atu husik nia livre,+Sin, povu nia ukun-naʼin husik nia livre. 21  Liurai halo nia nuʼudar naʼi ba liurai nia umakain,No ukun-naʼin ba ninia rikusoin hotu,+ 22  Atu ukun* liurai nia ulun-naʼin sira tuir ninia hakarakNo atu hanorin matenek ba liurai nia katuas sira.+ 23  Depois neʼe, Izraél mai toʼo rai-Ejitu,+No Jacob hela nuʼudar ema estranjeiru iha Ham nia rai. 24  Maromak halo ninia povu sai barak tebes;+Nia halo sira forte liu fali sira-nia inimigu,+ 25  Nia husik inimigu troka sira-nia laran atu odi ninia povu,No atu halo planu aat ba ninia atan sira.+ 26  Nia haruka ninia atan Moisés,+No Arão,+ neʼebé nia hili ona. 27  Sira hatudu sai ninia sinál iha inimigu nia leet,Sin, hatudu sai ninia milagre iha Ham nia rai.+ 28  Nia halo nakukun iha rai neʼe;Moisés no Arão la kontra hasoru ninia liafuan.+ 29  Nia troka inimigu nia bee sai fali raanNo oho sira-nia ikan.+ 30  Sira-nia rai nakonu ho manduku,+Inklui mós liurai nia kuartu sira. 31  Nia haruka lalar boot* no susuk siraAtu ataka sira-nia área hotu.+ 32  Nia halo sira-nia udan sai fali udan jelu-fatukNo haruka rai-lakan* ba sira-nia rai.+ 33  Nia hamate sira-nia uvas-hun no sira-nia ai-figeiraNo estraga ai sira iha sira-nia rai. 34  Nia haruka gafañotu atu ataka,Gafañotu-oan neʼebé sura labele.+ 35  Gafañotu sira-neʼe han mohu ai-horis hotu iha rai neʼe,No sira tolan ai-han hotu neʼebé moris iha toʼos. 36  Tuirmai nia oho oan primeiru hotu iha inimigu nia rai,+Katak oan primeiru husi sira-nia kbiit atu iha oan. 37  Nia lori sai ninia povu husi rai neʼe no sira mós lori osan-mutin no osan-mean;+No iha Maromak nia suku sira-nia leet, la iha ema ida mak fraku. 38  Ema Ejitu haksolok bainhira povu neʼe sai,Tanba sira sai taʼuk ba Izraél.*+ 39  Nia tau kalohan atu proteje ninia povu+ No ahi atu fó naroman ba sira iha kalan.+ 40  Sira husu, no nia lori manu-kiukae ba sira;+Nia kontinua halo sira bosu ho ai-han* husi lalehan.+ 41  Nia loke fatuk, no bee suli sai;+Bee suli iha rai-fuik maran hanesan mota ida.+ 42  Tanba nia hanoin-hetan ninia promesa santu neʼebé nia halo ona ho ninia atan Abraão.+ 43  Tan neʼe, nia lori sai ninia povu ho haksolok boot,+Sin, nia lori sai ninia ema sira neʼebé nia hili ona hodi haklalak ho haksolok. 44  Nia fó nasaun sira-nia rai ba ninia povu;+Sira simu buat neʼebé povu seluk serbisu makaʼas atu halo,+ 45  Atu nuneʼe ninia povu bele kumpre ninia ukun-fuan sira+No halo tuir ninia lei sira. Fó hahiʼi ba Jah!*

Nota-rodapé

Ka karik “Koʼalia sai”.
Ka “halo múzika”.
Orj., “Kontinua buka ninia oin”.
Orj., “fui mina”. Haree “Fui mina” iha Glosáriu.
Orj., “halo tohar hotu ai paun nian”. Karik neʼe refere ba ai sira neʼebé uza atu rai paun.
Orj., “haterus”.
Liafuan Ebraiku neʼe refere ba prosesu halo nabeen besi hodi bele sai moos.
Orj., “kesi”.
Neʼe mak lalar oin ida neʼebé tata ema no animál.
Ka “ahi neʼebé lakan”.
Orj., “sira”.
Orj., “paun”.
Ka “Aleluia”. “Ia” ka “Jah” mak naran badak ba Jeová.