Skip to content

TINAN 2024

Memoriál ba Jesus nia mate

Oinsá Jesus nia sakrifísiu bele ajuda Ita?

Ami konvida Ita atu asiste reuniaun rua neʼebé gratuitu:

  • Diskursu espesiál husi Bíblia ho títulu “Moris-hiʼas mak dalan atu halo ema livre husi mate!”

  • Memoriál ba Jesus nia mate

Memoriál ba Jesus nia mate

Loron-domingu, 24 Marsu 2024

Tinan ida dala ida, Testemuña ba Jeová komemora Jesus nia mate hodi tuir Jesus nia mandamentu neʼebé dehan: “Kontinua halo ida-neʼe hodi hanoin haʼu.”—Lucas 22:19.

Hetan informasaun liután kona-ba Memoriál

DISKURSU ESPESIÁL HUSI BÍBLIA

“Moris-hiʼas mak dalan atu halo ema livre husi mate!”

Diskursu neʼe sei hatoʼo iha findesemana antes Memoriál ba Jesus nia mate. Oradór sei esplika moris-hiʼas bele lori benefísiu saida ba Ita no ema neʼebé Ita hadomi.

Pergunta sira neʼebé baibain ema husu

Reuniaun neʼe halaʼo ba oras hira?

Reuniaun neʼe sei halaʼo maizumenus ba oras ida.

Memoriál neʼe sei halaʼo iha neʼebé?

Kontaktu Testemuña ba Jeová ida atu hetan informasaun kona-ba reuniaun iha ita-nia área.

Ita presiza selu atu asiste reuniaun neʼe ka lae?

Lae.

Ema sei husu ezmola ka lae?

Lae. Testemuña ba Jeová nunka husu ezmola iha sira-nia reuniaun sira.

Ita tenke hatais oinsá?

Maski la iha dalan espesífiku neʼebé ita tenke hatais, maibé Testemuña ba Jeová hakaʼas an atu halo tuir Bíblia nia matadalan kona-ba hatais ho respeitu. (1 Timóteo 2:9) Ita la presiza hatais roupa neʼebé karun ka ho modelu neʼebé jeitu liu.

Memoriál neʼe halaʼo oinsá?

Reuniaun neʼe sei hahú no remata ho knananuk ida no Testemuña ba Jeová ida sei halo orasaun. Testemuña ba Jeová ida sei hatoʼo diskursu ida neʼebé bazeia ba Bíblia no fó sai tanbasá Jesus nia mate mak importante no oinsá ita bele hetan benefísiu husi buat neʼebé Maromak no Kristu halo ona mai ita.

Memoriál sira tuirmai sei halaʼo iha data saida?

Tinan 2024: Loron-domingu, 24 Marsu

Tinan 2025: Loron-sábadu, 12 Abríl

Tinan 2026: Loron-kinta, 2 Abríl

Atu aprende liután, haree vídeo sira tuirmai.

Komemora Jesus nia mate

Haree futuru kapás neʼebé ita bele hetan tanba Jesus nia mate.

Tanbasá mak Jesus mate?

Karik Ita rona ona katak Jesus mate atu kasu ema nia sala. Maibé mane ida nia mate bele duni lori benefísiu ba ema millaun ba millaun ka lae?

Download konvite neʼe atu bele print.