Salmo 26:1-12
David nia knananuk.
26 Oh Jeová, tesi-lia mai haʼu tanba haʼu laʼo ona ho laran-metin;*+Haʼu tau fiar ona ba Jeová, no haʼu-nia fiar la namlele.+
2 Oh Jeová, buka-hatene kona-ba haʼu, no koko haʼu bá;Hamoos tiha haʼu-nia hanoin* no laran.+
3 Tanba Ita-nia domin neʼebé laran-metin sempre iha haʼu-nia oin,No haʼu laʼo iha Ita-nia dalan lia-loos nian.+
4 Haʼu la ransu* ho ema sira neʼebé bosok-teen,+No haʼu hasees an husi sira neʼebé subar sira-nia hakarak aat.*
5 Haʼu la gosta hamutuk ho ema aat,+No haʼu lakohi ransu* ho ema aat.+
6 Haʼu sei fase liman atu hatudu katak haʼu la iha sala,No haʼu sei marxa haleʼu Ita-nia altár, oh Jeová,
7 Atu hatoʼo obrigadu ba Ita ho lian makaʼas+No atu fó sai buat furak hotu neʼebé Ita halo.
8 Oh Jeová, haʼu gosta tebes uma neʼebé Ita hela bá,+Fatin neʼebé Ita-nia glória hela bá.+
9 Keta halakon haʼu hamutuk ho ema sala-naʼin sira+No keta hasai haʼu-nia moris hamutuk ho ema sira neʼebé halo violénsia,*
10 Sira-nia liman halo hahalok neʼebé lori moe boot,No sira-nia liman-loos simu* prezente atu bobar lia-loos.
11 Maibé kona-ba haʼu, haʼu sei laʼo ho laran-metin.*
Salva* haʼu no hatudu laran-sadiʼa mai haʼu.
12 Haʼu-nia ain hamriik daudaun iha rai neʼebé tetuk;+Haʼu sei hahiʼi Jeová iha kongregasaun boot nia leet.+
Nota-rodapé
^ Ka “integridade”.
^ Ka “sentimentu neʼebé kleʼan”. Orj., “rins”.
^ Orj., “tuur”.
^ Ka “Haʼu la ransu ho ema laran-makerek sira”.
^ Orj., “tuur”.
^ Ka “ema sira neʼebé fakar raan”.
^ Ka “fó”.
^ Ka “integridade”.
^ Orj., “Sosa fali”.