Salmo 150:1-6

  • Husik kriatura hotu neʼebé moris fó hahiʼi ba Jah

    • Aleluia! (1, 6)

150  Fó hahiʼi ba Jah!*+ Fó hahiʼi ba Maromak iha ninia fatin santu.+ Fó hahiʼi ba nia iha lalehan okos,* lalehan neʼebé hatudu sai ninia kbiit.+   Fó hahiʼi ba nia tanba ninia hahalok boot sira.+ Fó hahiʼi ba nia tanba nia mak boot tebes.+   Fó hahiʼi ba nia hodi huu dikur.+ Fó hahiʼi ba nia hodi toka instrumentu neʼebé iha talin no arpa.+   Fó hahiʼi ba nia hodi baku tamborín+ no dansa. Fó hahiʼi ba nia hodi toka instrumentu neʼebé iha talin+ no huu flauta.+   Fó hahiʼi ba nia ho simbala lian. Fó hahiʼi ba nia ho simbala lian boot.+   Husik kriatura hotu neʼebé moris* hahiʼi Jah. Fó hahiʼi ba Jah!*+

Nota-rodapé

Ka “Aleluia”. “Ia” ka “Jah” mak naran badak ba Jeová.
Ka “atmosfera”.
Ka “Husik buat hotu neʼebé dada iis”.
Ka “Aleluia”. “Ia” ka “Jah” mak naran badak ba Jeová.