Skip to content

Reuniaun kongregasaun nian husi Testemuña ba Jeová

Aprende kona-ba ami-nia reuniaun sira. Buka reuniaun-fatin besik Ita-nia área.

Avizu kona-ba virus corona (COVID-19): Iha fatin barak, ami la halibur hamutuk iha ami-nia Reuniaun-Fatin ka la halibur nuʼudar grupu boot. Se Ita hakarak hatene liután kona-ba Bíblia ka Testemuña ba Jeová, halo favór prenxe kompletu formuláriu iha pájina Husu atu hetan vizita no Testemuña ida husi Ita-nia área sei kontaktu Ita.

Buka reuniaun-fatin ne’ebé besik Ita-nia área (loke window foun)

Oinsá mak ami halaʼo ami-nia reuniaun sira?

Semana-semana ami halibur dala rua hodi halo adorasaun ba Maromak. (Ebreu 10:24, 25) Reuniaun sira-neʼe loke ba ema hotu atu tuir. Iha reuniaun sira-neʼe ami koʼalia kona-ba saida mak Bíblia hanorin no aprende oinsá atu halo tuir matadalan sira-neʼe iha ami-nia moris.

Iha ami-nia reuniaun ema hotu neʼebé tuir bele hola parte atu fó komentáriu hanesan iha klase ida. Ami loke no taka programa sira-neʼe ho knananuk no orasaun.

Ita bele tuir reuniaun sira-neʼe maski ita laʼós Testemuña ba Jeová. Ami konvida ema hotu atu tuir no la presiza selu. No ami mós la husu ezmola.