Salmo 99:1-9

  • Jeová, Liurai neʼebé santu

    • Tuur iha kadunan iha kerubín sira-nia leten (1)

    • Maromak neʼebé fó perdua no kastigu (8)

99  Jeová sai ona Liurai.+ Povu sira nakdedar bá. Nia tuur iha kadunan iha kerubín sira-nia leten.*+ Rai nakdoko bá.   Jeová mak boot liu iha Siaun,No nia aas liu povu sira hotu.+   Husik sira hahiʼi Ita-nia naran neʼebé boot,+Tanba naran neʼe santu no kmanek tebes.*   Nia mak liurai kbiit boot neʼebé hadomi justisa.+ Ita harii metin ona buat neʼebé loos. Ita lori mai ona justisa no hahalok loos+ iha Jacob nia oan sira-nia leet.   Hahiʼi Jeová, ita-nia Maromak,+ no hakruʼuk* iha ninia oin;*+Nia mak santu.+   Moisés no Arão mós serbí nuʼudar ninia amlulik sira,+No Samuel mak hamutuk ho ema neʼebé bolu ninia naran.+ Sira bolu Jeová,No nia hatán ba sira.+   Nia koʼalia ba sira husi kalohan.*+ Sira kumpre ninia avizu no lei neʼebé nia fó ba sira.+   Oh Jeová, ami-nia Maromak, Ita hatán ona ba sira.+ Ita mak Maromak neʼebé fó ona perdua ba sira,+Maibé Ita fó kastigu ba sira* tanba sira-nia hahalok sala.+   Hahiʼi Jeová, ita-nia Maromak,+No hakruʼuk* iha ninia foho santu nia oin,+Tanba Jeová, ita-nia Maromak, mak santu.+

Nota-rodapé

Ka karik “leet”.
Ka “no merese atu ema hamtaʼuk”.
Ka “adora”.
Orj., “iha fatin tau ninia ain”.
Orj., “kalohan neʼebé haree hanesan riin”.
Orj., “selu fali ba sira”.
Ka “adora”.