Mapan iti linaonna

Talaga Kadi nga Adda Demonio?

Talaga Kadi nga Adda Demonio?

Sungbat ti Biblia

Wen. Dagiti demonio ket isu dagiti “anghel a nagbasol,” dagiti espiritu a parsua a nagrebelde iti Dios. (2 Pedro 2:4) Ti immuna nga anghel a nangaramid iti bagina a demonio ket ni Satanas a Diablo, nga inawagan ti Biblia kas “agturay kadagiti sairo.”—Mateo 12:24, 26.

Panagrebelde idi kaaldawan ni Noe

Nailanad iti Biblia a nagrebelde dagiti anghel sakbay ti Layus idi kaaldawan ni Noe: “Ti annak ti pudno a Dios nangrugi a mapaliiwda ti annak a babbai ti tattao, a napipintasda; ket nangalada iti assawa a maipaay iti bagbagida, awan sabali, dagiti amin a pinilida.” (Genesis 6:2) Dagidiay a dakes, wenno nagbasol nga anghel “pinanawanda ti bukodda nga umiso a lugar a pagnaedan” idiay langit ket nagbalinda a tao tapno makidennada kadagiti babbai.—Judas 6.

Idi immay ti Layus, pinanawan dagiti rebelde nga anghel ti natauan a bagida ket nagsublida idiay langit. Ngem saanen nga inawat ida ti Dios. Kas paset ti dusada, saandan a makapagbalin a tao.—Efeso 6:11, 12.