Ania ti Sekreto ti Naragsak a Pamilia?
Panagkunam . . .
-
ayat?
-
kuarta?
-
adda pay sabali?
TI KUNA TI BIBLIA
“Naragragsak ketdi dagidiay dumdumngeg iti sao ti Dios ken mangtungtungpal iti dayta!”—Lucas 11:28, Baro a Lubong a Patarus.
TI MAIPAAYNA KENKA NO PATIEM DAYTA
Mabirokam ti pudpudno nga ayat.—Efeso 5:28, 29.
Pudpudno a raemendaka.—Efeso 5:33.
Natalged ti riknam.—Marcos 10:6-9.
MAPAGTALKANTAYO KADI TI KUNA TI BIBLIA?
Wen, gapu iti dua a rason:
-
Ti Dios ti Nangirugi iti pamilia. Kuna ti Biblia a ni Jehova a Dios ti “nakautangan ti amin a pamilia . . . iti naganda.” (Efeso 3:14, 15) Iti sabali a pannao, adda ti pamilia gapu ta ni Jehova ti nangirugi iti dayta. Apay a napateg dayta?
Panunotem: No makaramanka iti naimas a putahe ket kayatmo a maammuan dagiti ramen ken rekadona, siasino ti pagdamagam? Siempre, daydiay nagluto.
Kasta met, no kayattayo a maammuan dagiti ramen ti naragsak a pamilia, ammuentayo dagita ken Jehova ta isu ti Nangirugi iti urnos ti pamilia.—Genesis 2:18-24.
-
Maseknan ti Dios kadakayo. Pagsayaatan dagiti pamilia no agpabalakadda ken Jehova babaen ti Saona. Apay? Gapu “ta ipatpategnakayo.” (1 Pedro 5:6, 7) Sipapanunot ni Jehova iti pagimbaganyo—ket kanayon a pagsayaatantayo dagiti balakadna!—Proverbio 3:5, 6; Isaias 48:17, 18.
PANUNOTEM
Kasanoka nga agbalin a nasayaat nga asawa a lalaki, asawa a babai, wenno nagannak?
Sungbatan dayta ti Biblia iti EFESO 5:1, 2 ken COLOSAS 3:18-21.
Baka Kayatmo Met ti
AGRIINGKAYO!
Sirib Para iti Naragsak a Pamilia
Ania ti aramiden dagiti assawa a lallaki, babbai, ken annak tapno naragsak ti pamiliada?
SUNGBAT DAGITI SALUDSOD MAIPAPAN ITI BIBLIA
Ania ti Ibaga ti Biblia Maipapan iti Panagasawa?
Dagiti prinsipio ti Biblia a makatulong tapno maliklikan wenno masolusionan dagiti problema.
SUNGBAT DAGITI SALUDSOD MAIPAPAN ITI BIBLIA
Matulongannak Kadi ti Biblia a Maaddaan iti Naragsak a Pamilia?
Ti nasayaat a balakad ti Biblia ket nakatulongen iti adu a lallaki ken babbai tapno maaddaanda iti naragsak a pamilia.
MAIPAPAN KADAKAMI
Apay nga Adalem ti Biblia?
Mangipapaay ti Biblia iti sungbat kadagiti napapateg a saludsod ti minilion a tattao iti intero a lubong. Kayatmo met kadi a masungbatan ti saludsodmo?
MAIPAPAN KADAKAMI
Kayatmo Kadi ti Mabisita?
Pagsaritaanyo ti maysa a saludsod maipapan iti Biblia, wenno ammuem ti ad-adu pay maipapan kadagiti Saksi ni Jehova.
