Amos 9:1-15

  • Saan a malisian dagiti panangukom ti Dios (1-10)

  • Maipatakder ti abong-abong ni David (11-15)

9  Nakitak ni Jehova+ iti ngato ti altar, ket kinunana: “Masuem ti tuktok ti adigi tapno magunggon dagiti pundasion. Dadaelem ti amin nga adigi, ket patayekto iti espada dagiti nabati a tattao. Awanto ti makatalaw ken makalibas.+   No agkalida agingga iti Tanem,*Alaekto ida sadiay;Ken no umulida iti langit,Ibabakto ida.   No aglemmengda iti tapaw ti Carmelo,Birokekto ida ket alaek ida.+ No ilemmengandak iti lansad ti baybay,Bilinekto ti uleg sadiay a kagatenna ida.   No ipanaw ida dagiti kabusorda,Manipud sadiay, bilinekto ti espada a patayenna ida;+Pagdaksan ti iyegko kadakuada, imbes a pagsayaatan.+   Ta ti Kangatuan* nga Apo Jehova a panguluen dagiti armada ti mangsagsagid iti daga,Isu a magunggon dayta,+ ket agsangitto ti amin nga umili;+Umadalemto dayta a kas iti Nilo,Ken naapresto a kas iti Nilo ti Egipto.+   ‘Daydiay mangar-aramid iti agdanna idiay langitKen mangibangbangon iti estrukturana iti ngato ti daga;Daydiay mangay-ayab iti dandanum ti baybay,Tapno ibuyatna ida iti rabaw ti daga+—Jehova ti naganna.’+   ‘O tattao ti Israel, saan aya nga imbilangkayo a kas kadagiti annak dagiti Cusita?’ kuna ni Jehova. ‘Saan aya nga inruarko ti Israel manipud iti Egipto,+Dagiti Filisteo manipud Creta,+ ken ti Siria manipud Kir?’+   ‘Kitaenyo! Kitkitaen ti Kangatuan nga Apo Jehova ti managbasol a pagarian,Ket pukawennanto dayta iti rabaw ti daga.+ Ngem saankonto nga interamente a pukawen ti sangakabbalayan ni Jacob,’+ kuna ni Jehova.   ‘Ta kitaem! Agbilinak,Ket gunggonekto ti balay ti Israel iti amin a nasion,+Kas iti tao nga agyakyakayak,Awanto ti bassit a bato nga agtinnag iti daga. 10  Mataydanto iti espada, amin a managbasol iti ilik,Dagidiay mangibagbaga, “Saanto nga umay wenno dumanon kadakami ti didigra.”’ 11  ‘Iti dayta nga aldaw, ibangonkonto ti narba nga abong-abong* ni David,+Tarimaanekto dagiti giwangna,Ket patakderekto dagiti narba a pasetna;Bangonekto a kas met la iti kasasaadna idi,+ 12  Tapno tagikuaenda koma ti nabati iti Edom,+Ken amin a nasion a nakayawagan ti naganko,’ kuna ni Jehova a mangar-aramid iti daytoy. 13  ‘Kitaem! Um-umayen dagiti aldaw,’ kuna ni Jehova,‘Sakbay pay a maani ti nawadwad nga apit, dumteng manen ti tiempo ti panagarado,Ken sakbay pay a mapespes ti nagadu nga ubas,+ dumteng manen ti tiempo ti panagmumula;Ket mangitedted dagiti bantay iti nasam-it nga arak,+Ket agayus dayta iti* amin a turod.+ 14  Ummongekto manen dagiti naipanaw iti ilik nga Israel,+Ket bangonendanto manen dagiti nalangalang a siudad ken agyanda kadagita;+Agmuladanto kadagiti ubas ken inumenda ti arakda,+Ket agmulada kadagiti hardin ken kanenda ti bunga dagita.’+ 15  ‘Imulakto ida iti dagada,Ket saandanton a maparut manenIti dagada nga intedko kadakuada,’+ kuna ni Jehova a Diosmo.”

Footnotes

Wenno “Sheol,” kayatna a sawen, simboliko a pagtungpalan dagiti natay. Kitaem ti Glosario.
Wenno “Soberano.”
Wenno “a tolda.”
Lit., “malunagto ti.”