Amapinda 9:1-18
9 Amano yene yene nayakuula ing’anda;Nayapanga* inceshi sha iko 7.
2 Nayapekanya bwino bwino inama;Nayasakaanya umwangashi;Nayapekanya ne tebulo.
3 Nayatuma ababomfi ba yako abanakashiPa kuti bayebilikisha mu fifulo ifyasansama mu musumba,+ abati:
4 “Onse uushaishiba ifingi, naese kuno.”
Yaeba onse uushakwata mano ayati:*
5 “Iseni mulye umukate imupekanishisheKabili iseni munwe umwangashi uo nsakeenye.
6 Lekeni ukuba abawelewele* pa kuti mutwalilile ukuba no mweo;+Mule-enda mu nshila iya kwiluka.”+
7 Uulungika uupumya ailetela umusaalula,+Kabili uulungika umubifi alailetelela.
8 Wilalungika uupumya pantu akakupata.+
Ulelungika uwa mano, na o akakutemwa.+
9 Sambilisha uwa mano, na o akabelako uwa mano.+
Sambilisha uwalungama, na o akeshibilapo na fimbi.
10 Ukutiina Yehova e ntendekelo ya kuba na mano,+Kabili nga waishiba Lesa Uwa Mushilo Nga Nshi,+ e lyo ukalailuka ifintu.
11 Pantu nkafusha inshiku shobe,+Kabili nkalundako imyaka iyo ukaba uwa mweo.
12 Nga waba na mano ifintu fikalakuwamina,Lelo nga ulapumya, ninshi niwe ukalacula weka.
13 Umwanakashi umuwelewele alalandikisha.+
Taishiba nangu fye cimo.
14 Ekala pa mwinshi wa ng’anda yakwePa cipuna, mu fifulo fya mu musumba ifyasansama,+
15 Abilikisha abalepita mu nshila,Ababikile fye amano uko baleya ati:
16 “Onse uushaishiba ifingi naese kuno.”
Eba abashaba na mano ati:*+
17 “Amenshi ya kwiba yalomfwika bwino,Kabili ifya kuliila mu bumfisolo filawama.”+
18 Lelo tabaishiba ukuti mu ng’anda yakwe mwaisula abafwa,Kabili abo eta baba umwashika mu Nshiishi.*+
