Amapinda 31:1-31
31 Aya e mashiwi ayacindama aya mfumu Lemuele, ayo nyina wa iko ayebele pa kuifunda:+
2 Cinshi nalakweba we mwana wandi,Cinshi nalakweba we mwana wa mwi fumo lyandi,Kabili we mwana wa milapo yandi?+
3 Wionawila amaka yobe ku banakashi,+Kabili wilaenda mu nshila ishilofya imfumu.+
4 Te cisuma ku mfumu, we Lemuele,Te cisuma imfumu ukunwa umwangashiNangu bakateka ukulalanda abati, “Umwangashi wandi uli kwi?”+
5 Pa kuti benwa no kulaba amafundeKabili beikala pa nsambu sha bashakwata ba kubafwa.
6 Peeleni abali mu kufwa ubwalwa+Kabili peeleni abalecula nga nshi* umwangashi.+
7 Lekeni banwe kabili balabe ukuti bapiina;Lekeni balabe amafya bakwata.
8 Landilako abashingailandila abene;Kabili cingilila insambu sha bonse abali mu kwipaiwa.+
9 Landa, kabili ba no mulinganya pa kupingula;Cingilila insambu sha bashakwata* ba kubafwa na bapiina.+
א [Aleph]
10 Nani uwingasanga umukashi uwaba ne mibele iisuma?*+
Alicindama ukucila amakorali.*
ב [Beth]
11 Umulume wakwe alimucetekela no mutima wakwe onse,Kabili tabulisha nangu cimo.
ג [Gimel]
12 Inshiku shonse isha mweo wakwe,Alacitila umulume wakwe ifisuma, te fibi iyo.
ד [Daleth]
13 Alashita insalu iyo bapangila na masako ya mpaanga ne nsalu iisuma,Alitemwa ukubomba.+
ה [He]
14 Aba nga mato ya wa makwebo,+Afumya ifya kulya fyakwe ukutali.
ו [Waw]
15 Kabili abuuka ku macaca,Apekanishisha aba mu ng’anda yakwe ifya kulya,Kabili alapeela na babomfi bakwe abanakashi ifya kulya.+
ז [Zayin]
16 Alabala atontonkanyapo sana, e lyo ashita ibala;Abomfya ifyo anonka* pa kubyala imyangashi.
ח [Heth]
17 Alaipekanya pa kuti abombe umulimo uwakosa,*+Kabili alakosha amaboko yakwe.
ט [Teth]
18 Alamona ukuti amakwebo yakwe yale-enda bwino;Inyali yakwe taishima ubushiku.
י [Yod]
19 Iminwe yakwe ikata akamuti ukuli ubushishi,E lyo alapombolola ubushishi bwa kubomfya.+
כ [Kaph]
20 Alafungulwila iminwe yakwe ku bashakwata ba kubafwa,Kabili alafumbatwila iminwe yakwe ku bapiina.+
ל [Lamed]
21 Mu nshita ya mpepo tasakamana ifyo aba mu ng’anda yakwe balafwala,Pantu aba mu ng’anda yakwe bonse balikwata ifya kufwala nga kuli impepo.*
מ [Mem]
22 Alaipangila ifya kwanshika pa busanshi
Afwala ifya kufwala ifya nsalu iisuma ne fya nsalu iyakashikila iyo bapangila na masako ya mpaanga.
נ [Nun]
23 Umulume wakwe alishibikwa pa mpongolo ya musumba,+Apo ekala na bakalamba ba mu calo.
ס [Samekh]
24 Alapanga ifya kufwala* ifisuma no kufishitishaAlakungwisha na bashimakwebo imishipi.
ע [Ayin]
25 Afwala amaka no bucindami,Kabili tasakamana ifikacitika ku ntanshi.*
פ [Pe]
26 Asamuna akanwa kakwe no kulanda ifya mano;+Ifunde lya cikuuku* lyaba pa lulimi lwakwe.
צ [Tsade]
27 Alangalila fyonse ifilecitika mu ng’anda yakwe,Kabili te munang’ani.+
ק [Qoph]
28 Abana bakwe balema no kumweba ukuti wa nsansa;Umwina mwakwe alema no kumutasha.
ר [Resh]
29 Abanakashi ababa ne mibele iisuma* bengi,Lelo iwe walibacila bonse.
ש [Shin]
30 Ukumoneka bwino kulabepa, no kuyemba kulapwa,*+Lelo umwanakashi uutiina Yehova balamutasha.+
ת [Taw]
31 Mulambuleni pa fyo acita,*+Kabili alilinga ukumutasha pa mpongolo sha musumba pa milimo iyo abomba.+
Amafutunoti
^ Nelyo “abo umweo wabo ulecula.”
^ Nelyo “Lubulwilako abashakwata.”
^ Nelyo “umusuma.”
^ Mu ciHebere, “Abomfya ifisabo fya minwe yakwe.”
^ Mu ciHebere, “Alakaka amaka yakwe mu ntungu.”
^ Mu ciHebere, “balikwata ifya kufwala ifyatikama.”
^ Nelyo “ifya kufwala fya mu kati.”
^ Nelyo “alaseka ubushiku bwa ku ntanshi.”
^ Nelyo “Ifunde lya kutemwa ukushipwa.”
^ Nelyo “abasuma.”
^ Nelyo “kwa fye.”
^ Mu ciHebere, “Mupeeleni ifisabo fya minwe yakwe.”
