Amapinda 30:1-33
30 Amashiwi ayacindama ayo Aguri umwana wa kwa Yake aebele Utiele na Ukali.
2 Ifyo naishiba finono sana ukucila ifyo abantu bonse baishiba,+Kabili nshiiluka nge fyo abantu beluka.
3 Nshanonka amano,Kabili nshaishiba ifyo Uwa Mushilo Nga Nshi aishiba.
4 Nani uwayapo ku muulu e lyo abwela?+
Nani uwalonganikapo umwela mu minwe yakwe?
Nani uwakakapo amenshi mu ca kufwala cakwe?+
Nani uwabikile imipaka* yonse iye sonde?+
Nani ishina lyakwe, kabili umwana wakwe nani ishina? Njeba nga walishiba.
5 Fyonse ifyo Lesa alanda fyalisanguluka.+
Ni nkwela ya booba muli ena.+
6 Wilundako nangu cimo ku mashiwi yakwe,+Pantu akakukalipila,Kabili akakushinina ukuti uli wa bufi.
7 Nalomba ifintu fibili kuli imwe.
Mwintana ilyo nshilafwa.
8 Fumyeni pali ine ubucenjeshi no bufi.+
Mwimpeela ubupiina nangu ifyuma.
Lekeni ndye ifya kulya ifyaninga,+
9 Pa kuti ni-ikuta no kumukaana nati: “Nani Yehova?”+
Mwileka imbe umupiina pantu kuti naiba, naseebanya* ne shina lya kwa Lesa wandi.
10 Wilalanda ifyabipa pa mubomfi ilyo uli na shikulu wakwe,Pantu kuti akutiipa kabili kuti bakusanga no mulandu.+
11 Kwaliba inkulo iitiipa bashiboKabili iishicindika banyinabo.+
12 Kwaliba inkulo iimona kwati yalisanguluka+Lelo tabaiwamya ubusali.*
13 Kwaliba inkulo iyaba na menso ya cilumba!Kabili amenso ya iko yamona abantu bambi ukuti tabacindama.+
14 Kwaliba inkulo iyakwata ameno ayaba nga bapangaIyakwata insekete ishaba nge myele ya kwipailako;Ilataakanya abashakwata ba kubafwa pano isondeNa bapiina pa bantu.+
15 Iminsundu yalikwata abana abanakashi babili abalanda ati, “Mpeeleni! Mpeeleni!”
Kwaliba ifintu fitatu ifishikuta,Ifintu 4 ifishilanda ati, “Fyafula!”
16 —Inshiishi*+ ne fumo lya mwanakashi uushifyala,Impanga iishakwata amenshi,No mulilo uushilanda ati, “Fyafula!”
17 Ilinso ilipumya wishi kabili ilishumfwila nyina+—Bamwankole ba mu mupokapoka bakalilobolamo,Kabili abana ba kwa kapumpe bakalilya.+
18 Kwaliba ifintu fitatu ifyampesha amano,*Ne fintu 4 ifyo nshaishiba:
19 Ifyo kapumpe apupuka mu lwelele,Ifyo insoka yenda pa cilibwe,Ifyo ubwato bwenda pali bemba,Ne fyo umwaume acita nga ali no mukashana.
20 Ifi e fyo umwanakashi cilende acita:
Alalya, awamya na pa kanwa;E lyo alanda ati, “Nshicitile icalubana nangu cimo.”+
21 Kwaba ifintu fitatu ifilenga icalo catutumaNe fintu 4 ifyo cishingashipikisha:
22 Umusha nga aba imfumu,+Umuwelewele nga akwata ifya kulya ifingi,
23 Umwanakashi uo bapata nga aupwa,E lyo no mubomfi umwanakashi nga apyana nakulu.+
24 Kwaba ifintu 4 pano isonde ifyaba pa fintu ifyacepesha,Lelo mu cifyalilwa fye fyaliba na mano:*+
25 Utunyelele tatwakosa,*Lelo tulatutila ifya kulya mu lusuba.+
26 Tupati*+ tatwakwata sana amaka,*Lelo tulapanga amayanda ya tuko mu mabwe.+
27 Makanta+ takwata imfumu,Lelo pa kwenda enda mu mabumba mabumba.+
28 Amakasa ya kwa malinso*+ yalalambatila ku cibumba,Kabili alengila na mwi sano lya mfumu.
29 Kwaba ifintu fitatu ifyawama ukutamba nga file-enda,Ne fintu 4 ifyenda bwino bwino:
30 Inkalamo iyakwatisha amaka pa finama fyonse,Iishitiina nangu cimo;+
31 Imbwa ya mulunshi, imbushi iilume;E lyo ne mfumu nga ili na bashilika ba iko.
32 Nga ca kuti pa mulandu wa buwelewele waicindamika,+Nelyo wapanga ukuicindamika,Bika iminwe pa kanwa kobe.+
33 Ukukumbaula mu mukaka kulenga watikama,*Kabili ukutina imyona kulenga yafumya umulopa,No ulenga abantu bafulwa alenga kwaba ukuumana.+
Amafutunoti
^ Mu ciHebere, “Nani uwaimishe imipaka.”
^ Nelyo “nasuusha.”
^ Mu ciHebere, “amafi.”
^ Nelyo “Sheol,” e kutila, inshiishi ya bantu bonse. Moneni Amashiwi ya mu Baibo ne fyo Yapilibula.
^ Nelyo “ifisuma nga nshi kuli ine.”
^ Nelyo “fyalikwatisha amano.”
^ Mu ciHebere, “bantu abashakosa.”
^ Tupati, tunama.
^ Mu ciHebere, “bantu abashakwata sana amaka.”
^ Uyu ni malinso uwabutulukila uusangwa mu ng’anda uo beta ukuti geko.
^ E kutila kulenga waba Bata.
