Amapinda 1:1-33
1 Amapinda ya kwa Solomone+ umwana wa kwa Davidi,+ imfumu ya bena Israele:+
2 Aya amapinda kuti yalenga umuntu aba na mano,+ kabili kuti yamulungika;*Kuti yalenga ailuka amashiwi ya mano;
3 Kuti yalenga asumina ukumusalapula+ pa kuti aleiluka,Abe uwalungama,+ alesala bwino ifya kucita,*+ kabili aleba uwa kaele;*
4 Kuti yalenga uushaishiba ifingi aba na mano;+Kabili kuti yalenga umulumendo aishiba ifintu kabili alatontonkanyapo bwino ilyo alesala ifya kucita.+
5 Uwa mano alomfwa kabili aleshibilapo na fimbi;+Umuntu uwiluka alomfwa nga bamupandako amano ayasuma,+
6 Pa kuti aleiluka amapinda na mashiwi ya manshoko,*Ifyo aba mano balanda no bwile ubo bapika.+
7 Ukutiina Yehova e ntendekelo ya kunonka ukwishiba.+
Bawelewele fye e bakaana amano no kusalapulwa.+
8 We mwana wandi, uleumfwa bawiso nga bakusalapula,+Kabili wilasuula ifyo banoko bakusambilisha.*+
9 Fyaba nge cilongwe* icisuma ica ku mutwe obe+Kabili fyaba nga ka ceni akasuma akakufwala mu mukoshi obe.+
10 We mwana wandi, ababifi nga bakutunka ulekaana.+
11 Nga batila: “Natuleya bonse.
Tubelamine abantu no kubepaya.
Twalabelamina aba kaele.
12 Tulebamina aba mweo nga filya Inshiishi* imina abantu,Abatuntulu nga filya abantu batentemukila mu cilindi.
13 Natubapoke ifyuma fyabo fyonse;Twalaisusha amayanda yesu ne fyuma ifyo twalabapoka.
14 Ufwile ukuya na ifwe,*Kabili bonse twala-akana pa kati ifyo twalaiba.”*
15 We mwana wandi wibakonka.
Fumya ulukasa lobe mu nshila yabo,+
16 Pantu amakasa yabo yabutukila ku kucita ifyabipa;Balangufyanya ukuya mu kusuumya umulopa.+
17 Umuntu nga ateya isumbu ninshi icuni cilemonako, ninshi aicusha fye.
18 E co ababifi babelamina pa kuti basuumye umulopa;Balabelama pa kuti bepaye abantu.*
19 Ifi e fyo abafwaya ukunonka mu bucenjeshi bacita,Ifyo banonka fikabepaya.*+
20 Amano+ yalabilikisha mu musebo.+
Yalatwalilila ukusansula ishiwi mu mansa umuba sana abantu.+
21 Yalabilikisha pa makoona ya misebo* umupita sana abantu.
Mu miinshi ya mpongolo sha musumba, yalanda ayati:+
22 “Mwe bashaba na mano, bushe mukatwalilila fye ukukanaba na mano?
Mwe bapumya, bushe mukatwalilila fye ukutemwa ukupumya?
Kabili mwe bawelewele, bushe mukatwalilila fye ukupata ukwishiba?+
23 Muleumfwa nga namulungika.+
Lyena nkamupongolwela umupashi wandi;Nkalenga mukeshibe amashiwi yandi.+
24 Pantu nalemwita, lelo mwalekaana,Nalifungulwile ukuboko kwandi, lelo takwali uwabikileko amano.+
25 Mwalesuula fyonse ifyo nalemupandako amanoKabili mwalekaana ukumulungika.
26 Na ine nkaseka, ilyo ubucushi bukesa pali imwe;Nkamupumya ilyo ico mutiina cikesa,+
27 Ilyo ico mutiina cikesa nge mfula ya cimwela,Kabili ilyo ubusanso bukamwishila nge cikuuku ca mwela,Ilyo ubucushi na mafya fikesa pali imwe.
28 Pali ilya nshita bakalilila kuli ine, lelo nshakaasuke;Bakamfwaya sana, lelo tabakansange,+
29 Pantu bapatile ukwishiba,+Kabili tabasalilepo ukutiina Yehova.+
30 Balikeene ifyo nabapandile amano;Balisuulile fyonse ifyo nabalungike.
31 E ico bakacula pa mulandu ne fyo balecita,*+Kabili bakekuta amano bapandana.*
32 Pantu abashaba na mano bakafwa pa mulandu wa bucipondoka.Kabili umulekelesha wa bawelewele ukabalofya.
33 Lelo uumfwa ifyo nanda akacingililwa+Kabili akekala umutende pantu takulatiina ifyabipa ifingamucitikila.”+
Amafutunoti
^ Nelyo “kuti yamusambilisha; kuti yamutungulula mu mikalile.”
^ Nelyo “alecita ifisuma.”
^ Nelyo “aleba no mulinganya.”
^ Nelyo “imilumbe.”
^ Nelyo “amafunde ya banoko.”
^ Nelyo “icisote ca bufumu.”
^ Nelyo “Sheol,” e kutila inshiishi ya bantu bonse. Moneni Amashiwi ya mu Baibolo ne fyo Yapilibula.
^ Nelyo “tuleakana ifili mu mufuko.”
^ Nelyo “Upoosele pamo na ifwe ica kupendwilako cobe.”
^ Nelyo “pa kuti balofye imyeo ya bantu.”
^ Nelyo “fikalofya imyeo yabo.”
^ Mu ciHebere, “pa mpela ya misebo.”
^ Mu ciHebere, “bakalya ifisabo ifikafuma mu fyo balecita.”
^ Nelyo “amapange yabo.”
