Amapinda 3:1-35
3 We mwana wandi, wilaba ifyo nkusambilisha,*Kabili umutima obe naulekonka amafunde yandi,
2 Pa kuti ukekale inshiku ishingiKabili ukekale umutende.+
3 Wileka ukutemwa ukushipwa ne cishinka* fikushe.+
Fikake mu mukoshi obe;Filembe pa mutima obe;+
4 Lyena ukapaalwaKabili Lesa na bantu bakakumona ukuti walishilimuka.+
5 Cetekela Yehova+ no mutima obe onse,Kabili wicetekela* amano yobe.+
6 Muli fyonse ifyo ucita uleibukisha ifyo alanda,+Kabili akakulanga inshila iyalungama.+
7 Wilaimona ukuti uli wa mano.+
Uletiina Yehova kabili uletaluka ku fyabipa.
8 Lyena umubili* obe ukondapwaKabili amafupa yobe yakakoselako.
9 Ulecindikila Yehova ku fyuma fyobe,+Na ku fisabo fyobe fyonse ifyabalilapo ukupya.*+
10 Lyena amatala yobe yakesula nga nshi,+Kabili umo ukamina imyangashi mukesula umwangashi uupya ica kuti ukalafumina na kunse.
11 We mwana wandi, wilakaana nga ca kuti Yehova akusalapula,+Kabili wilakalipa nga akulungika,+
12 Pantu abo Yehova atemwa alabalungika,+Nga filya fine wishi alungika umwana uo atemwa.+
13 Wa nsansa umuntu uusanga amano+No muntu uwishiba ifya kwiluka ifintu;
14 Ukunonka amano kwawama ukucila ukunonka silfere,Kabili ukukwata amano kwawama ukucila ukukwata golde.+
15 Amano yalicindama ukucila amakorali,*Fyonse ifyo ufwaya te kuti filingane nayo.
16 Ukwikala inshiku ishingi kwaba mu kuboko kwa yako ukwa ku kulyo;Ifyuma no bucindami fyaba mu kuboko kwa yako ukwa ku kuso.
17 Inshila sha yako shisuma,Ne misebo ya yako yonse ya mutende.+
18 Yalaba cimuti ca mweo ku bayekata,Kabili abayekatisha bakabeta ukuti ba nsansa.+
19 Yehova apangile umufula we sonde ku mano yakwe.+
Abikile imyulu apo ifwile ukuba pa mulandu wa kuti aleluka nga nshi.+
20 Apaatwile amenshi ayengi ku mano yakweKabili alengele amakumbi yatonya umume.+
21 We mwana wandi, wileka fifume pa ntanshi yobe.*
Sunga amano yene yene no kutontonkanya bwino pa fintu;
22 Fikalenga ukabe no mweoKabili fikaba nga kakufwala mu mukoshi obe pa kuiyemfya;
23 Lyena ukacingililwa ilyo ukalaenda mu nshila yobe,Kabili ulukasa lobe talwakaipunune.+
24 Nga walaala tawakatiine nangu cimo;+Ukalaala kabili utulo tobe tukawama.+
25 Tawakatiine ubusanso ubwingesa mu kupumikisha+Kabili tawakatiine ubucushi ubwisa nge cikuuku ca mwela pa babifi.+
26 Pantu ukacetekela ukuti Yehova akakwafwa;+Takaleke ulukasa lobe lukekatwe.+
27 Witana abalekabila ifisuma*+Nga naukwata amaka ya kubafwilisha.*+
28 Wilaeba umunobe auti, “Kabiye, ukabwele limbi! Nkakupeela mailo,”
E lyo ninshi naukwata ifya kumupeela.
29 Wilapanga ukucita umunobe ifyabipa+E lyo ninshi mwikala nankwe umutende.
30 Wilaumana no muntu apabula umulandu+Nga takucitile icabipa.+
31 Wilakumbwa umunkalwe+Kabili wilacitako ifyo acita.
32 Pantu Yehova amona uwa bucenjeshi ukuti wa bunani,+Lelo abalungama e baba sana ifibusa fyakwe.+
33 Yehova alatiipa ing’anda ya mubifi,+Lelo alapaala ing’anda ya walungama.+
34 Pantu alapumya abapumya,+Lelo alaba ne cikuuku ku bafuuka.+
35 Aba mano bakabapeela umucinshi,Lelo abawelewele balitemwa umusaalula.+
Amafutunoti
^ Nelyo “amafunde yandi.”
^ Nelyo “icine.”
^ Mu ciHebere, “wishintilila pa.”
^ Mu ciHebere, “umutoto.”
^ Nelyo “ifyawamisha.”
^ Ifi fifwile mibele ya kwa Lesa iyo balandilepo mu fikomo fifumineko.
^ Nelyo “Witana ifisuma abo ulingile ukupeela.”
^ Nelyo “Ukuboko kobe nga nakukwata amaka ya kubafwilisha.”
