ጥቅምት 18, 2024 | የታደሰው፦ ነሐሴ 4, 2025
ሩሲያ

ወቅታዊ መረጃ—እህት ተፈረደባት | ‘ይሖዋ ይክሰኛል’

አጫውት

ሐምሌ 31, 2025 በክራስኖዳር ግዛት የሚገኘው የቭይሴልኮቭስኪ አውራጃ ፍርድ ቤት፣ እህት ቫሲሊና ፕዬንስካያ ጥፋተኛ ናት በማለት የሁለት ዓመት የገደብ እስራት በይኖባታል። አሁን ወህኒ ቤት አትገባም።

አጭር መግለጫ

ቫሲሊና ፕዬንስካያ

ትውልድ፦ 1997 (ቭይሴልኪ)

ግለ ታሪክ፦ የኬክ ባለሙያ ናት

ከይሖዋ ምሥክሮች ጋር የተዋወቀችው በእናቷ በኩል ነው። ቫሲሊና፣ መጽሐፍ ቅዱስ ጥሩ ጓደኞች መምረጥ የሚቻለው እንዴት እንደሆነ የሚሰጠው ምክር አድናቆት ጫረባት። በ2014 ተጠመቀች

በ2018 ዲሚትሪን አገባች

የቫሲሊና እናት (የእህት ዬሌና ሩምያንሰቫ) ጉዳይ፣ በሌላ የክስ ፋይል እየታየ ነው

የሰጠችው ሐሳብ

በመንፈሳዊ ሚዛንሽን ጠብቀሽ እንድትቀጥዪ የረዳሽ ምንድን ነው?

ስደት ሲደርስብህ ብቻህን እንደሆንክ፣ የሚከላከልልህ እንደሌለና ሁኔታውን ለመቋቋም አቅም እንደሌለህ ሊሰማህ ይችላል። ይህ ስሜት እንዲቆጣጠረኝ ብፈቅድ እንድዝልና ቀስ በቀስ መንፈሳዊ እንቅስቃሴዎቼን ችላ እንድል ሊያደርገኝ እንደሚችል አውቃለሁ። ነገር ግን ከተሞክሮ ስለ ይሖዋ የተረዳሁትና ብርታት የሆነኝ አንድ ነገር አለ። ይሖዋ የምናደርገውን ነገር ያደንቃል። የእኔ ውለታ ባይኖርበትም እሱን ለማገልገል የማደርገውን ጥረት ከማየትም ባለፈ ትልቅ ቦታ ይሰጠዋል። ጸሎቴን ይሰማል፤ በቃሉ አማካኝነት በማጽናናት በምሳሌያዊ መንገድ እንባዬን ከዓይኖቼ ያብስልኛል። ፍርሃት ሲሰማኝ ከለላ ይሆነኛል፤ በወንድሞቻችን አማካኝነት ደግፎ ያቆመኛል። ለስሙ ጥብቅና መቆም ሲያስፈልገኝ ብርታት ይሰጠኛል። ስደት በብዙ የይሖዋ አገልጋዮች ላይ የደረሰ ነገር ነው። በትምህርት ቤት ወይ በሥራ ቦታ አሊያም ቤት ውስጥ እንኳ ሊያጋጥም የሚችል ነገር ነው። ይሖዋ እኔንም ሆነ ታማኝነታቸውን የሚጠብቁትን ሁሉ ይክሳል፤ ይህን አልጠራጠርም።

ይሖዋ፣ ስደትን እየተጋፈጠ ያለ እያንዳንዱን አገልጋዩን እንደሚመለከተውና ‘ሥራው ወሮታ እንዳለው’ እንደሚያረጋግጥለት በማወቃችን አመስጋኞች ነን።—ኤርምያስ 31:16

የክሱ ሂደት

የካቲት 13, 2022

ቤቷ ተፈተሸ
ግንቦት 23, 2023

የክስ ፋይል ተከፈተባት። የተወነጀለችው ስለ መጽሐፍ ቅዱስ ከሌሎች ጋር በመወያየቷና የይሖዋ ምሥክሮች በሚያደርጓቸው ሰላማዊ ሃይማኖታዊ ስብሰባዎች ላይ በመሳተፏ ነው። የባንክ ሒሳቧ ታገደ
ሐምሌ 18, 2023

የጉዞ ገደብ ተጣለባት
ጥር 31, 2024

ክሷ በፍርድ ቤት መታየት ጀመረ

በተጨማሪም ይህን ተመልከት

ዓለም አቀፋዊ ዜና

በእምነታቸው ምክንያት የታሰሩ የይሖዋ ምሥክሮች—በአገር

የይሖዋ ምሥክሮች መሠረታዊ የሚባሉ ሰብዓዊ መብቶችን ተነፍገው በሃይማኖታቸው ምክንያት ብቻ የታሰሩባቸውን አገራት ዝርዝር ተመልከት።

አዳዲስ ዜናዎች