JONGSTE NUUS – UITSPRAAK ONGELDIG VERKLAAR | ‘Jehovah gebruik dié wat vir hom lief is om vir my te sorg’

SPEEL

Op 10 Junie 2025 het die Hof van die Joodse selfregerende streek suster Wladlena Koekawitsa se uitspraak ongeldig verklaar. Haar saak sal nou herverhoor word.

Op 10 April 2025 het die Birobidzjan-distrikshof van die Joodse selfregerende streek suster Wladlena Koekawitsa skuldig bevind en haar ’n opgeskorte tronkvonnis van ses jaar gegee. Sy hoef nie op hierdie stadium tronk toe te gaan nie.

Profiel

Wladlena Koekawitsa

Gebore: 1990 (Birobidzjan)

Gedoop: 2004

Agtergrond: Sy analiseer mediese navorsing

Aangekla van: Dat sy die Bybel met ander bespreek

Vonnis: Opgeskorte tronkvonnis van ses jaar

Persoonlike kommentare

Watter Bybelkarakter se voorbeeld help jou om te volhard?

Terwyl ek die verslag gelees het van Jeremia wat in ’n reënput gegooi was, het ek begin huil. Ek het my voorgestel hoe bang hy op daardie oomblik moes gevoel het. Maar toe het Jehovah Ebed-Meleg gebruik om Jeremia te help en hom uit die reënput uit te haal (Jeremia 38:6-13). Jehovah was die hele tyd met Jeremia en het altyd beheer oor die situasie gehad. Dit vertroos my om te weet dat Jehovah ook met my is, maak nie saak wat my omstandighede is nie. Ek het baie keer die hulp wat ek nodig gehad het by my broers en susters gekry. Dit raak my hart om te weet dat Jehovah dié wat vir hom lief is, gebruik om vir my te sorg.

Ons is oortuig dat Jehovah ’n skild rondom ons is gedurende ons moeilike tye en dat hy vir ons die hulp gee wat ons nodig het om te volhard. – Psalm 3:3.

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE