Levitiko 21:1-24
21 Yahova adapitiriza kuyankhula na Mose kuti: “Uza antsembe, wana wa Aroni kuti: ‘Aliyese wa imwepo osati adzipsyipize ndawa ya munthu yemwe wamwalira pakati pa wanthu wa ntundu wake.
2 Koma angadzipsyipize peno wamwalira uyo ni m’bale wake wapafupi, ababa wake, amayi wake, mwana wake mwamuna, mwana wake nkazi na m’bale wake.
3 Angadzipsyipize pomwe peno wamwalira uyo ni mulongosi wake, yemwe ni namwali wosalowodwa yemwe akhala naye pabodzi.
4 Koma afunikalini kudzipsyipiza ndawa ya nkazi wa munikachiro pakati pa wanthu wa ntundu wake nkudziipisa.
5 Ayi kuti ambagere mpala m’misolo yawo, ayi kuti ambagere makukundebvu* yawo ndipo ayi kuti ambadzitemeteme thupi yawo.
6 Ambakhale wochena kwa Mulungu wawo ndipo osati ambapsyipize dzina ya Mulungu wawo, ndawa mwawa apereka kwa Yahova ntsembe zowotcha pamoto, zomwe ni chakudya cha Mulungu wawo, ndipomwapa ambakhale wochena.
7 Wantsembe osati ambalowole hule panango nkazi yemwe wataya unamwali wake. Osati ambalowole pomwe nkazi yemwe mwamuna wake adamusiya, ndawa wantsembe muyo ni wochena kwa Mulungu wake.
8 Mumbamuwone kuti ni wochena ndawa ndiye ampereka chakudya cha Mulungu wanu. Ambakhale wochena kwa imwepo, ndawa inepano Yahova, yemwe ninkukupatulani, ndine wochena.
9 Mwana nkazi wa wantsembe akadzipsyipiza nkuchita uhule, ndiye kuti ankupsyipiza ababa wake. Ambaphewe patsogolo pake nkumushoka.
10 Nkulu wa antsembe wokhala pakati pa abale wake antsembe, yemwe adamuthira mafuta yodzodzera pansolo pake, nkuikhiwa kukhala wantsembe* kuti ambavale vovala vauntsembe, ambasamalire tsitsi yake ndipo osati ambang’ambe vovala vake.
11 Iye osati ambafenderere munthu aliyese wakufa ndipo osati ambadzipsyipize olo yemwe wamwalira uyo akhale ababa panango amayi wake.
12 Osati ambabule m’malo yopatulika ndipo osati ambapsyipize malo yopatulika ya Mulungu wake, ndawa pansolo pake panachizindikiro cha kudzipereka, chomwe ni mafuta yodzodzera ya Mulungu wake. Ine ndine Yahova.
13 Nkulu wa antsembe akafuna kulowola, ambalowole namwali.
14 Osati ambalowole nkazi wamasiye panango yemwe mwamuna wake adamusiya, nkazi yemwe wataya unamwali wake panango hule, koma ambalowole namwali pakati pa wanthu wa ntundu wake.
15 Osati apsyipize wana wake* pakati pa wanthu wa ntundu wake, ndawa inepano ndine Yahova yemwe namuchenesa.’”
16 Yahova adapitiriza kuyankhula na Mose kuti:
17 “Yankhula na Aroni kuti: ‘Munthu aliyese pa wana wako,* ku mibadwo yawo yose, yemwe ni wopunduka osati ambafenderere malo yopatulika kudzapereka chakudya cha Mulungu wake.
18 Munthu akakhala na chidzo chinango chopunduka, osati ambafenderere malo yopatulika. Peno akhale lombe, wopunduka minyendo, wa nkhope yobenda,* wa djanja panango mwendo utali maninge kuposha unzake,
19 wothyoka phazi panango djanja,
20 wa nthuku, mfupi maninge,* wa diso yopunduka, wa vinthu vokhala ninge vikang’a, wa vipere na mavalo yodzongeka.
21 Munthu aliyese pa wana wa Aroni* wantsembe, yemwe ni wopunduka, osati ambafenderere guwa yantsembe kudzapereka ntsembe yowotcha pamoto kwa Yahova. Osati ambafenderere guwa yantsembe kudzapereka chakudya cha Mulungu wake ndawa ni wopunduka.
22 Iye angadye chakudya cha Mulungu wake kuchokera pa vinthu vopatulika maninge na pa vinthu vopatulika.
23 Koma osati ambafenderere nguwo yogwatiza na guwa yantsembe, ndawa iye ni wopunduka. Osati apsyipize malo yangu yopatulika, ndawa inepano ndine Yahova yemwe ninkuwachenesa.’”
24 Pamwapo Mose adafotokoza vimwevi kwa Aroni na wana wake, komasoti kwa Aizirayeli wose.
Mawu ya m’nyantsi
^ Panango kuti: “ndebvu zawo za m’maputu.”
^ Muchiyankhulo choyambirira adati: “nkudzadza djanja yake.”
^ Muchiyankhulo choyambirira adati: “mbewu yake.”
^ Muchiyankhulo choyambirira adati: “mbewu yako.”
^ Muchiyankhulo choyambirira adati: “wa mphuno yokhwadzuka.”
^ Mabaibolo yanango yanena kuti: “munthu woonda maninge.”
^ Muchiyankhulo choyambirira adati: “mbewu ya Aroni.”
