Mika 7:1-20
7 Woo ame! Onda fa oo,Konima yokwoongelwa kwoiimati yopokwenyeNepupudululo olo hali shikula okulikolwa kwomandjebele,Iha hange po eshila lomandjebele okulya;Kape na eenghwiyu dotete, odo nda halelela.*
2 Omudiinini okwa xula* ko kedu;Kape na omuyuki mokati kovanhu.+
Aveshe ova nangela va tileshi ohonde.+
Keshe umwe okwa tela omumwaxe nonete.
3 Omake avo okwa deuka mokulonga osho shii;+Elenga ohali fininike,Omutokoli oha pula ofuto,+Oo a tumbala oha shiivifa osho a hala,*+Nohave shi longo mo pamwe.*
4 Oo muwa mokati kavo okwa fa omakiya,Ou a denga mbada kuvo oku dule ongubu yomakiya.
Efiku lovanangeli voye nefiku letokolo loye otali uya.+
Paife otava dekweta.+
5 Inamu lineekela ookaume keni,Ile mu tule elineekelo leni mookaume keni kopofingo.+
Lungamena osho to lombwele oo ha nangala mekolo loye.
6 Osheshi omonamati ota tondo xe,Omonakadona ota fikama a pataneke ina,+Noshitenya shomukainhu otashi pataneke inamweno;+Ovatondi vomunhu ovanhu vomeumbo lavo.+
7 Ashike ame ohandi twikile okuteelela Jehova.+
Ohandi teelele filufilu* Kalunga kexupifo lange.+
Kalunga kange ota ka uda nge.+
8 Ino hafa omolwange, ove omutondi wange.*
Nonande onda punduka, ohandi ka fikama po;Nonande ohandi kala momilaulu, Jehova ota ka kala ouyelele wange.
9 Ohandi lididimikile onya yaJehova,Osheshi onda nyona kuye,+Fiyo osheshi a popila nge moihokolola yange nokulongela nge ouyuki.
Ota ka eta nge pouyelele;Ohandi teelele ouyuki waye.
10 Omutondi wange ote ke shi mona yo,Nohoni otai ka uvika oo ta ti kwaame:
“Jehova Kalunga koye oku li peni?”+
Omesho ange otae ke mu tala.
Paife ota ka lyataulilwa monhata momapandavanda.
11 Otali ka kala efiku lokutunga omakuma oye omamanya;Mefiku olo ongaba otai ka wedelwa.*
12 Mefiku olo, otave ke uya kwooveTava di kuAssiria nokoilando yaEgipiti,Okudja kuEgipiti fiyo okOmulonga;*Okudja kefuta nefuta, nokudja komhunda nomhunda.+
13 Nedu otali ka ninga ombuwa omolwovakalimo vamo,Shi li oshidjemo shoilonga yavo.*
14 Lifa ovanhu voye nonhaili yoye, oufita wefyuululo loye,+Ovo va li hava kala mokati koixwa, mokati koshikunino shomiti doiimati.
Nava lye kuBasan nokuGilead+ ngaashi momafiku onale.
15 “Ngaashi pomafiku oo, eshi wa dile medu laEgipiti,Ohandi ke mu ulikila oinima ikumwifi.+
16 Oiwana otai ke i mona, nokukala ya fya ohoni, nonande oi na eenghono.+
Otai ke likwata komilungu;Omatwi ayo otaa ka fita.
17 Otava ka lafa ondwi ngaashi omayoka;+Ngaashi oilipwedi yokombada yedu, otava ka dja mo meehotengulu davo tava kakama.
Otave ke uya kuJehova, Kalunga ketu, tava dekweta,Notave ke ku tila.”+
18 Olyelye Kalunga e ku fa,Ta dimi po omanyono nokukoyelela po omatauluko+ oshixupe shefyuululo laye?+
Ita handuka fiyo alushe,Osheshi oha hokwa ohole i na oudiinini.+
19 Ote ke tu fila vali onghenda;+ ota ka finda* omanyono etu.
Oto ka umbila omatimba avo aeshe mefuta moule mwi.+
20 Oto ka ulikila Jakob oudiinini,Na Abraham ohole i na oudiinini,Ngaashi wa anena ootatekulululwa pomafiku onale.+
Omashangelo opedu
^ Ile “omwenyo wange wa halelela.”
^ Ile “kana.”
^ Ile “omahalo omwenyo waye.”
^ Eln., “Nohave shi tungu pamwe.”
^ Ile “Ohandi teelele nelididimiko.”
^ MOshiheberi, oshitya osho sha tolokwa “omutondi” osha yukifa koukadi.
^ Ile tashi dulika, “oshipango otashi ka kala kokule.”
^ Sha hala okutya, Eufrat.
^ Eln., “Omolwoiimati yoilonga yavo.”
^ Ile “lyataulila; hanauna po.”
