Mika 2:1-13
2 “Woo ovo hava pangele omhangela yaasho sha nyika oshiponga,Ovo hava diladila owii meembete davo!
Ngeenge ouyelele wongula owe uya, ohave u wanifa po,Molwaashi oshi li meenghono domake avo.+
2 Ohava kala va hala omapya, nohave a nyeke ko;+Nosho yo omaumbo, nohave a kufa ko,Ohava kengelele omunhu eumbo laye,+Omunhu efyuululo laye.
3 Onghee hano eshi osho Jehova ta ti:
‘Paife, ohandi pangelele oludi eli oupyakadi+ oo itamu ka dula okuya onhapo.*+
Itamu ka enda vali nelinenepeko,+ osheshi olo efimbo loupyakadi.+
4 Pefimbo olo, otava ka popya oshitevo shi na sha nanye,Notave ke mu imbila eimbilokemo noluhodi linene.+
Otava ka tya: “Otwa hanaunwa po filufilu!+
Okwa ningifa oshitukulwa shovanhu vange shi ye momake avamwe — okwe shi kufa po pwaame!+
Okwa yandja omapya etu kwaao ehe fi omudiinini.”
5 Onghee hano ito ka kala u na oo ta shili ongodi yokuyeleka,A umbile edu oshihoololifo meongalo laJehova.
6 “Efeni po okuudifa!” ashike otava udifa,“Inava udifa kombinga yoinima ei;Ohoni itai ke tu hanga!”
7 Akutu eumbo laJakob, omwa uda taku tiwa:
“Mbela omhepo yaJehova kai na vali elididimiko?
Mbela ei oilonga yaye?”
Mbela eendjovo dange mwene ihadi etele ouwa ovo hava ende pauyuki?
8 Ashike paife, ovanhu vange ova fikama va fa omutondi.
Ovo tava piti po nouladi, ngaashi ovo tava di koita,Ohamu va dula oulenga wondilo noshikutu* mongalangala.
9 Omwa taataa mo ovakainhu vomovanhu vange momaumbo avo mawa;Omwa kufa mo efimano lange fiyo alushe movana vavo.
10 Fikameni, indeni, osheshi ei kai fi onhele yokufuwila.
Omolwokuhenoukoshoki,+ ope na ehanauno, ehanauno la nyika oshiponga.+
11 Ngeenge ope na omunhu ha shikula omhepo nomapukifo nokupopya oipupulu ei ta ti:
“Ohandi ke mu udifila kombinga yomaviinyu noikunwa yoikolwifa,”
Opo nee ota ka kala ha udifile ovanhu ava!+
12 Akutu Jakob, ohandi ke mu ongela filufilu amushe;Ohandi ka ongela pamwe shili ovo va xupa muIsrael.+
Ohandi ke va hanganifa, ngaashi eedi di li koshiunda,Ngaashi oufita u li moulifilo wao;+Otamu ka kala mu yadi omaweelelo ovanhu.’+
13 Ou te va yeululile ondjila ote ke va pitila komesho;Otava ka manguluka mo nokupitila moshivelo, ndele tava di mo musho.+
Ohamba yavo otai ke va kwatela komesho,Na Jehova oku li komesho yavo.”+
