Mika 6:1-16
6 Alikana, udeni osho Jehova ta popi.
Fikameni, hokololeni komesho yeemhunda oihokolola yeni,Noikulundudu nai ude ondaka yeni.+
2 Nye eemhunda, pwilikineni eshi Jehova te mu hokololifa,Nye omakanghameno edu a pama,+Osheshi Jehova oku na oihokolola novanhu vaye;Ota hokololifa Israel ta ti:+
3 “Ovanhu vange, onde mu ninga shike?
Onde mu lolola nashike?+
Pei nge oumbangi.
4 Osheshi onde mu kufa mo medu laEgipiti,+Nde mu kulila mo meumbo loupika;+Onde mu tumina Moses, Aron naMiriam.+
5 Alikana, ovanhu vange, dimbulukeni osho ohamba Balak yokuMoab ya popya,+Nosho yo osho Bileam, omonamati waBeor, e i nyamukula,+Osho sha ningwa okudja muSittim+ fiyo okuGilgal,+Opo mu dule okushiiva oilonga youyuki yaJehova.”
6 Ohandi uya nashike koshipala shaJehova?
Ohandi linyongamene nashike koshipala shaKalunga oo e li pombada?
Mbela ohandi uya koshipala shaye nomaxwikiloyambo aeshe,Neenhana domudo umwe?+
7 Mbela Jehova ota ka hokwa eedi deendume omayovi,Pamwe nomakungulukilo omaadi omayovi omilongo?+
Mbela ohandi ka yandja po omonamati wange woshiveli omolwounashibofa wange,Oshiimati sholutu lange omolwenyono lange?*+
8 Omunhu ove, Kalunga okwe ku lombwela osho shiwa.
Na Jehova okwa teelela u ninge shike?*
Ou longe ashike ouyuki,*+ okukala wa lenga oudiinini,*+Nou ende melininipiko+ pamwe naKalunga koye!+
9 Ondaka yaJehova otai ingida mokule koshilando;Ovo ve na ounongo tau longo otava ka tila edina loye.
Yandjeni elitulemo kodibo nosho yo kwaao e i nangeka po.+
10 Mbela meumbo lomukolokoshi natango omu na omamona oukolokoshiNosho yo oshiyelekifo shoefa* inashi lixwa po osho shitondifa?
11 Mbela ohandi dulu okukala nda koshoka paenghedi,* ofimbo ndi na oiyelekifo ihe li paushili,Nokakutu komamanya okuyelekifa oukengeleledi?+
12 Osheshi oipuna yamo oi yadi elongifo leenghono,+Novakalimo vamo ohava popi oipupulu;Omalaka avo otaa kengelele momakanya avo.+
13 “Onghee hano ohandi ke mu denga, mu ninge oipute,+Handi mu mbuwapaleke omolwomanyono eni.
14 Otamu ka lya, ashike itamu ka kuta;Otamu ka kala muhe na sha meni leni.+
Osho mwa kufa po, itamu ka ya nasho sha amenwa,Naasho mwa ya nasho ohandi ke shi yandja keongamukonda.
15 Otamu ka kuna eembuto, ashike itamu ka teya.
Otamu ka henga eemono, ashike itamu ka longifa omaadi;Notamu ka kola omaviinyu mape, ashike itamu ka nwa omaviinyu.+
16 Osheshi omwa shikula oihongwafano yaOmri, noilonga aishe yomeumbo laAhab,+Nomwa enda metwokumwe nomayele avo.
Nomolwaasho handi ke mu ninga oshinima shokushekwaNovakalimo vamo oshinima shokushikilwa omwilwa;+Notamu ke lididimikila omasheko ovanhu.”+
