Mika 4:1-13
4 Pexulilo lomafiku,*Omhunda yeumbo laJehova+Otai ka kala ya pamenena kombada yeemhunda,Notai ka yeluka kombada yoikulundudu,Novanhu oko tava ka mbobolokela.+
2 Noiwana ihapu oko tai ka ya, ndele tai ti:
“Ileni, tu londeni komhunda yaJehovaNokeumbo laKalunga kaJakob.+
Ote ke tu honga eendjila daye,Nohatu ka enda momalila aye.”
Osheshi omhango* otai ka dja muSion,Nondjovo yaJehova otai ka dja muJerusalem.
3 Ota ka tokola pokati kovanhu vahapu+Nota ka yukifa oinima* i na sha noiwana inaenghono yokokule.
Otava ka hambula omaongamukonda avo a ninge omatemo oipululo,Nomaonga avo a ninge oikashulifo.+
Oshiwana itashi ka yelulila vali eongamukonda oshiwana shikwao,Noitave ke lihonga vali oita.+
4 Otava ka kala omutumba* keshe umwe koshi yomundjebele waye nokoshi yomukwiyu waye,+Nopehe na oo te va tilifa,+Osheshi okanya kaJehova womatangakwaita oke shi popya.
5 Osheshi ovanhu aveshe otava ka enda keshe umwe medina lakalunga kayeAshike fye ohatu ka enda medina laJehova, Kalunga ketu,+ alushe fiyo alushe.
6 “Mefiku olo,” Jehova osho ta ti,“Ohandi ka ongela oo* a li ta shongola,Nohandi ka ongela pamwe oo a halakanifwa,+Pamwe naavo nda ungaunga navo nonyanya.
7 Ohandi ka ninga oo* a li ta shongola oshixupe,+Naao a halakanifilwa kokule, oshiwana oshinaenghono;+Na Jehova ote ke va pangela kOmhunda yaSion,Okudja paife nofiyo alushe.
8 Shi na sha naave, akutu oshungongulu youfita,Onduba yomonakadona waSion,+Epangelo lotete* otali uya kwoove, heeno, otali uya,+Ouhamba womonakadona waJerusalem.+
9 Omolwashike tamu ingida pombada?
Mbela kamu na ohamba,Mbela omuyandjimayele weni okwa xula po?Opo mu hangwe kouyehame, ngaashi oo womukainhu ta dala?+
10 Alangata nokukema, akutu omonakadona waSion,Ngaashi omukainhu ta dala,Osheshi paife oto ka dja mo moshilando, noto ka kala ho di moixwa.
Oto ka ya kokule fiyo okuBabilon,+Naako oko to ka xupifilwa;+Jehova ote ke ku landa ko vali oko, meke lovatondi voye.+
11 Paife oiwana ihapu otai ka ongala i ku ponokele;Otai ka tya, ‘Nashi nyatekwe,Nomesho etu naa tale osho tashi ningilwa Sion.’
12 Ashike kave shii omadiladilo aJehova,Kave udite ko elalakano* laye;Osheshi ote ke va ongela, ngaashi oshipandi shoilya opo sha tetwa tashi twalwa koshipale.
13 Fikama, ndele to xu, akutu omonakadona waSion;+Osheshi ohandi ka lundululila omaluvinga oye moshivela shilaula,Nohandi ka lundululila omakondo oye mongopolo,Noto ka hanauna po ovanhu vahapu.+
Oyuuyemo yavo, oyo ve likongela moipupulu, oto ke i yandja kuJehova,Nomamona avo, okOmwene washili wedu alishe.”+
