Mika 3:1-12
3 Onda ti: “Alikana, pwilikineni, nye omitwe daJakobNosho yo nye ovawiliki veumbo laIsrael.+
Mbela hanye mu shii osho sha yuka?
2 Ashike nye omu tonde osho shiwa+ nomu hole osho shii;+Omwa yuva ko oshipa kovanhu vange nombelela komakipa avo.+
3 Omwa lya yo ombelela yovanhu vange+Nomwa yuva ko oshipa shavo,Mwa teyaula omakipa avo, mwe a nyanyaula moitandu,+Ngaashi oshinima shi li mombiya yokutelekela,* ngaashi ombelela i li mombiya yokutelekela.
4 Pefimbo olo, otava ka pula Jehova ekwafo,Ashike ite ke va nyamukula.
Ote ke va holeka oshipala shaye pefimbo olo,+Omolwoilonga yavo ii.+
5 Eshi osho Jehova ta ti shi na sha novaprofeti, ovo hava pukifa ovanhu vange,+Ovo hava ingida ‘Ombili!’+ ofimbo tava kokota* nomayoo avo,+Ashike otava ingidile* oita oo iha tula sha momakanya avo tava ti:
6 ‘Otamu ka kala momilaulu ngaashi oufiku;+ itapa ka kala emoniko;+Otapa ka kala ashike omilaulu punye, nopehe na okunyanekela.
Etango otali ka ninginina ovaprofeti,Nomutenya otau ka lundulukila momilaulu kuvo.+
7 Ovamonikokule otava ka fifwa ohoni,+Novanyanekeli otava ka nyematekwa.
Aveshe otava ka uvika eendjedi davo dopombada,*Osheshi kape na enyamukulo la dja kuKalunga.’”
8 Ashike ame onda yadifwa eenghono komhepo yaJehova,Nouyuki nosho yo omafa,Ndi lombwele Jakob ounashibofa waye, na Israel enyono laye.
9 Alikana, pwilikineni kwaashi, nye omitwe deumbo laJakobNosho yo nye ovawiliki veumbo laIsrael,+Ovo mu tonde ouyuki naavo hamu pengifa oinima aishe oyo ya yukilila,+
10 Ovo hamu tungu Sion okupitila mokutilashi ohonde nosho yo Jerusalem nokuhenouyuki.+
11 Ovawiliki* vasho ohava tokolele ombubo,+Ovapristeri vasho ohava longele ofuto,+Novaprofeti vasho ohava nyanekelele oimaliwa.*+
Ndele natango ove lineekela Jehova* tava ti:
“Mbela Jehova ke li pamwe nafye?+
Kape na oupyakadi tau ke tu hanga.”+
12 Onghee omolweni,Sion otashi ka pululwa ngaashi epya,Jerusalem otashi ka ninga onduba yoikulukuma,+Nomhunda yEumbo* otai ka kala ngaashi eenhele dokoikulundudu di li mofuka.*+
Omashangelo opedu
^ Ile “mombiya yokutelekela i na okanya ka kula.”
^ Ile tashi dulika, “ofimbo ve na sha shokutaafina.”
^ Eln., “yapulile.”
^ Ile “uvika omakanya avo.”
^ Ile “ohava ti kutya ove lineekela Jehova.”
^ Ile “oshisilveri.”
^ Eln., “Omitwe.”
^ Ile “Nomhunda yotembeli.”
^ Ile “ngaashi onhele i yadi omiti.”
