Mika 5:1-15
5 “Paife oto lilengaula ove mwene,Akutu omonakadona wa ponokelwa;Otwa ningilwa ekondeka.+
Ova denga omutokoli waIsrael nodibo kolupanda.+
2 Ndele ove, akutu Betlehem Efrata,+Ove ou munini unene mokati komayovi* aJuda,Mwoove otamu ka dila nge ou ta ka kala omupangeli muIsrael,+Oo ehovelo laye la dja komafimbo onale, la dja komafiku onalenale.
3 Onghee ote ke va efa po,Fiyo efimbo olo oo e li pokudala a dala.
Noshixupe shovamwaxe otashi ka alukila koshiwana shaIsrael.
4 Ota ka fikama noku va lifa meenghono daJehova,+Meenghono dinene dedina laJehova, Kalunga kaye.
Notava ka kala meameno,+Osheshi paife ounene waye otau ka twa kominghulo dedu.+
5 Nota ka eta ombili.+
Ngeenge Omuassiria okwa ponokele oshilongo shetu nokulyataula eeshungongulu detu domakuma a pama,+Ohatu ke mu nangekela po ovafita vaheyali, heeno, omalenga* ahetatu omovanhu e mu lwife.
6 Otava ka lifa edu laAssiria neongamukonda,+Nedu laNimrod+ poivelo yasho.
Note ke tu xupifa kOmuassiria,+Eshi ta ka ponokela edu letu nokulyataula oshitukulwa shetu.
7 Ooluxupe vaJakob otava ka kala mokati kovanhu vahapu,Ngaashi omume ya dja kuJehova,Ngaashi omata odula koimeno,Oo ihae lineekele momunhu,Ile a teelele ovanamati vovanhu.
8 Ooluxupe vaJakob otava ka kala mokati koiwana,Mokati kovanhu vahapu,Ngaashi onghoshi mokati koinamwenyo yomoixwa,Ngaashi onghoshi yonyasha* mokati koufita weedi,Oyo hai piti mokati kao noku u nhukila nokupombaula moinhimbu;Nokape na oo te u xupifa.
9 Eke loye otali ka yelulwa kombada yovakondjifi voye,Novatondi voye aveshe otava ka hanaunwa po.”
10 “Mefiku olo,” Jehova osho ta ti,“Ohandi ka hanauna po eenghambe doye mokati koye, nokuxulifa po omatemba oye.
11 Ohandi ka hanauna po oilando yomedu loye,Nokuteyaula po eenhele doye adishe domakuma a pama.
12 Ohandi ka xulifa po oulodi oo ho longo,*Nomokati koye itamu ka fyaala omhule.+
13 Ohandi ka hanauna po oihongwafano yoye neengudimanya odo di li mokati koye,Noito ke linyongamena vali oilonga yomake oye.+
14 Ohandi ka duda mo eepala doye diyapuki*+ mokati koyeNokuhanauna po oilando yoye.
15 Ohandi ka katuka onghatu nda handuka nonda fulila onyaOiwana oyo ihai dulika.”
