Ehololo kuJohannes 8:1-13
8 Eshi Odjona+ ya kufa ko oshipatifo oshitiheyali,+ meulu omwa li mwa mwena oule wetata lovili lwaapo.
2 Opo nee onda mona ovaengeli vaheyali+ ve li ofika koshipala shaKalunga nova li va pewa omanghuma aheyali.
3 Ndele poaltari ope uya omweengeli umwe vali, ndele ta kala ofika+ e kwete oshikwatelwa shoshingoli shoitwimifo nokwa li a pewa oitwimifo ihapu+ e i twimine koaltari yoshingoli oyo ya li kolukalwapangelo pefimbo opo ovayapuki aveshe va li tava ilikana.+
4 Omwifi woitwimifo oyo ya li meke lomweengeli nosho yo omailikano+ ovayapuki okwa ya kuKalunga.
5 Ndele omweengeli okwa kufa diva oshikwatelwa shoitwimifo nokwe shi yada omakala* a dja koaltari, ndele te shi ekele kombada yedu. Opa li pa udika eendaka nomingungumo, pa monika omaluvadi+ nopa li pa ningwa ekakamo ledu.
6 Ovaengeli vaheyali ova li ve lilongekida okushika omanghuma avo aheyali.+
7 Omweengeli wotete okwa shika enghuma laye. Nopa li eemhawe nomundilo ya lumbakanifwa mumwe nohonde noya li ya ekelwa kombada yedu;+ oshititatu shedu, oshititatu shomiti nosho yo oimeno aishe oya li ya pya po.+
8 Omweengeli omutivali okwa shika enghuma laye. Noshinima sha fa omhunda inene ya tema omundilo osha ekelwa mefuta.+ Opo nee oshititatu shefuta osha li sha shituka ohonde;+
9 ndele oshititatu shoishitwa* yomefuta osha fya,+ noshititatu sheeskepa osha li sha teka.
10 Omweengeli omutitatu okwa shika enghuma laye. Nonyofi ya kula ya tema ya fa olamba oya wa meulu noya wila moshititatu shomilonga nosheefifiya domeva.+
11 Onyofi oyo ohai ifanwa Oshimbodi shilula. Noshititatu shomeva osha lula, novanhu vahapu ova fya komeva oo, molwaashi okwa li malula.+
12 Omweengeli omutine okwa shika enghuma laye. Noshititatu shetango, shomwedi nosheenyofi osha li sha laula+ nokapa li ouyelele moshititatu shomutenya noshoufiku.
13 Onda mona onhwa tai tuka pokati keulu nedu nonda uda ondaka ya ingida pombada tai ti: “Woo, woo, woo+ nye ovo mu li kombada yedu, osheshi ovaengeli vatatu ovo va fyaala ko ove li pokushika omanghuma avo!”+
