Ehololo kuJohannes 20:1-15
20 Nonda mona omweengeli ta di meulu e na oshapi yombwili+ nelyenge linene meke laye.
2 Opo nee okwa kwata po ongadu,+ eyoka likulu,+ oyo hai ifanwa Ondiaboli+ nosho yo Satana,+ nokwe i manga oule womido 1 000.
3 Okwe i umbila mombwili+ nokwa idila po, ndele ta tula ko oshipatifo, opo iha hongaule vali oiwana fiyo osheshi omido 1 000 da pwa ko. Konima yaasho, otai ka mangululwa oule wokafimbo kaxupi.+
4 Onda mona yo omalukalwapangelo, naavo ve li omutumba kuo ova pewa eenghonopangelo dokutokola. Onda mona vali eemwenyo* daavo va dipawa,* molwaashi va li tava hepaulula kombinga yaJesus nokuudifa kombinga yaKalunga, nodaavo inave linyongamena oshilyani, ile oshihongwafano shasho nokava li ve na edidiliko meembaba doipala nopomake avo.+ Ova nyumunwa, notava pangele ve li eehamba pamwe naKristus+ oule womido 1 000.
5 Olo olo enyumuko lotete.+ (Oonakufya vakwao+ inava nyumunwa fiyo osheshi omido 1 000 da pwa ko.)
6 Ovo tava nyumunwa tete+ ovayapuki notava kala va hafa, efyo etivali+ kali na eenghono+ doku va pangela, ndele otava ka ninga ovapristeri+ vaKalunga novaKristus, notava ka pangela ve li eehamba pamwe naKristus oule womido 1 000.+
7 Diva ngeenge omido 1 000 da pu ko, Satana ota ka mangululwa mo modolongo,
8 ndele ta i keembinga nhee dedu a ka pukife ovanhu vahapu,* sha hala okutya, Gog naMagog, e va ongalekele oita. Omuvalu wavo ou fike pehekedu lopefuta.
9 Ove lihanena ounyuni aushe nova dingilila onhanda yovayapuki noshilando osho shi holike kuKalunga. Ndele meulu omwa dja omundilo nowe va lungwinifa po.+
10 Opo nee Ondiaboli oyo ya kala tai va pukifa oya umbilwa mefuta lomundilo wa hanyekwa nosulfuri, omo mu na oshilyani+ nomuprofeti omunaipupulu;+ otava kala tava hepekwa* omutenya noufiku alushe fiyo alushe.
11 Nonda mona olukalwapangelo linene litoka nosho yo oo e li ko omutumba.+ Eulu nedu ole mu ya onhapo,+ noya kana po filufilu.
12 Nonda mona ovafi, oipuna neehepele, va fikama komesho yolukalwapangelo, nopa li omishangwatonywa da tonyununwa. Opa li yo pa tonyununwa omushangwatonywa umwe womwenyo,+ novafi ova li va tokolwa metwokumwe naasho sha shangwa momishangwatonywa odo she likolelela koilonga yavo.+
13 Nefuta, efyo nOmbila* oya yandja oonakufya ovo ve li muyo, noonakufya ovo ova li va tokolwa pauhandimwe she likolelela koilonga yavo.+
14 Opo nee efyo nOmbila* oya umbilwa mefuta lomundilo.+ Efuta lomundilo+ otali ulike kefyo etivali.+
15 Natango, ovo inava shangwa membo lomwenyo+ ova umbilwa mefuta lomundilo.+
Omashangelo opedu
^ Tala Omafatululo oitya nosho yo Eh 6:9 esh.
^ Eln., “va dipawa nekuva.”
^ Ile “oiwana.”
^ Ile “no-Hades,” sha hala okutya, koufi. Tala Omafatululo oitya.
^ Ile “no-Hades,” sha hala okutya, koufi. Tala Omafatululo oitya.
